【點新聞報道】近日有網上流傳一段影片，一名女子於港鐵屯馬綫車廂內懷疑遭人「摷裙」摸臀。警方表示，元朗警署23日接獲兩名分別18歲及26歲女子報案，指22日晚上約11時在港鐵屯馬綫列車車廂內被一名男子非禮。經調查後，24日上午在荃灣區以涉嫌非禮，拘捕一名姓黃(20歲)男子。
網上社交平台threads日前流傳一則帖子並且附上影片及圖片，稱自己在22日晚上乘搭港鐵屯馬綫期間，遭一名男子非禮，「警世！全能嘅threads幫我推到全香港都睇到！！有片有圖有真相，大家真係要小心保護自己，頭先23:15左右係西鐵，有個男人摷我條裙！！ 左手摷緊，右手部手機唔知係咪錄緊片，架車廂咁多位佢企埋嚟已經覺得怪怪地，我tun出啲佢又繼續逼埋嚟，跟住開始feel到啲野，但佢揹住個大袋，以為係佢個袋撞到我，但越嚟越唔對路，所以我越tun越出，我一走開，佢即刻係荃灣西落車！！ 後尾對面有個叔叔問我係咪比佢搞，佢話佢見我彈開佢先見到，但我個時好驚又以為自己feel錯野所以無出聲，佢淨係摷條裙又無揸落嚟，好驚佢係影咗我相，後尾落車有個女仔同我講佢拍咗佢片，因為原來佢都比佢摸咗，但佢太驚最後真係好多謝呢個女仔，見到你眼濕濕都知你好驚，好彩你好醒目拍到片，推到全香港見到呢個鹹濕佬！！無論係男定女都要小心保護自己，幫推！！！推到X街！！！轉頭就去報警!!!!!」
從影片可見，在港鐵滿座車廂內，一名身穿藍色上衣染髮及微微曲髮的戴眼鏡男子，把手機靠向旁邊黑色短裙女子的裙底並且其手指有所動作，疑似正在偷拍裙底春光。
收藏
取消收藏
分享
