【點新聞報道】近日網上瘋傳一段影片，指有一名白人男子於多間餐廳吃飯後未有付款，涉嫌食霸王餐，引發網上熱烈討論。
該網民於Threads上傳影片，並配文：「有好多人向我報料話呢條友喺石澳食飯從來都唔俾錢，乜可以囂張到咁樣嘅咩？唔通香港真係第一個去捉佢？好科幻啊！有冇石澳嘅居民可以同我講下呢件事係咪真㗎？」。從上傳影片中可見，一名身穿西服的餐廳男職員手持賬單，緊隨一名年約30多歲、身材高大的外籍男子。其間該外籍男子疑心生不滿，以手臂撞向職員。亦能聽見拍攝者高聲指責該外籍男子「食飯唔俾錢，仲推撞人，我影低咗」。兩人其後橫過馬路，外籍男子步伐加快，最終與職員拉開距離，影片至此結束。
樓主指嘗試追截但不果，已就事件報警。樓主無奈表示「好多公司跪低㗎！剩我一個同佢企到最硬嘅啫」，並指「啱啱頭先有人同我講佢喺灣仔啲酒吧食嘢唔俾錢俾人扣起Passport頂數」。
帖文旋即引發熱議，不少網民驚呼「真係要搞搞佢啦，好多白人當香港人係狗咁，勁冇禮貌」、「大種乞兒」、「此謂『白飲白食』」、「一定要推爆佢」、「早排見過佢之前喺灣仔啲餐廳食完飯想唔俾錢走人，估唔到係慣犯」、「你哋做得好呀，唔好縱容呢啲人」、「佢仲生活喺古代白人至上，死返自己國家啦」、「依單嘢真係好癡線」、「其實如果有足夠證據又已經知道喺邊間公司做嘢的話，可以直接寫信俾佢公司揭發，公司好大機會會炒佢。香港人唔可以再繼續容忍呢啲垃圾白人喺香港為所欲為欺善怕惡」。
亦有網民嘲諷，「白人社會佢哋民主自由係咁㗎啦！習慣下啦」、「明乎其實：白食」、「咁人哋真係『西人』吖嘛，食霸王餐有乜咁出奇。但行有行規，雖然你係咁西，就好似漆黑嘅腸道蛔蟲一樣，咁鮮明咁出眾，都要找埋條食飯數先得㗎，食飯唔使俾錢呀」、「真係white trash is everywhere。」
不過，有網民則質疑，「點解石澳食飯就可以唔俾錢」、「石澳個社區咁細都走得甩?」，對此樓主則回覆，「因為報警錄口供嗰個員工起碼冇六七個鐘頭，人工照出嗰度成千蚊，得不償失。仲要下下都係經理去，間公司冇人。佢就係睇住呢個漏洞食霸王餐，好老實講如果佢唔係外國人，係自由行我諗冇咁易啲人放過佢。佢仲好高大，係我唔怕死走埋去影佢啫。」
據知，已不止一間餐廳有損失，該外籍男子涉嫌在多間餐廳「食霸王餐」，被指為慣犯。
（視頻來源：網絡）
收藏
取消收藏
分享
