【點新聞報道】廖子妤（Fish）入圍金像獎最佳女主角，目前正忙於挑選晚裝出席頒獎禮，揚言要艷壓群芳奪「最佳衣着獎」。
廖子妤說：「我每一年度，無論係頒獎嘉賓好啦，又或者係有份提名都好，我都會好希望係靚嘅。我好想攞『最佳衣着獎』啊！依家開始度緊啲多謝感言，即係萬一咁好彩可以得到呢個獎，我都有好多人要多謝！上次喺香港電影評論學會頒獎嘅時候，我嗰時其實係冇準備到嘅。如果嚟緊再得獎，我一定會發台瘟。我由幼稚園第一次上台，即係扮太陽花嘅時候，我已經發緊台瘟喇，但唔知點解我都係依然好愛表演，同埋好愛上台嘅。」
而趙君瑜Angelina剛由「試當真」轉會到古天樂旗下，她過新年時已向「新老闆」拜年逗大利是，但一瞬間已「反輸」：「我哋玩『射龍門』，其實古生已經好錫住我哋玩㗎喇，但我都輸咗。但唔緊要，都係玩開心啫。」Angelina表示現階段適應新公司，希望以演員方面發展。
（點新聞特約記者陳惠芳報道）
收藏
取消收藏
分享
