【點新聞報道】日前網上流傳一段影片，顯示一名視障叔叔攜導盲犬乘搭港鐵時，在車廂內疑似被其他乘客辱罵而發生爭吵。導盲犬受驚之下仍站在主人身前戒備，場面令人心痛，事件引發網民熱議。
拍攝者上載影片至Threads，無奈表示：「啱啱一上車，見到個拎住導盲犬叔叔俾人鬧。其他乘客都好好幫叔叔，然之後隻小狗好驚夾晒尾。」從上傳影片可見，視障叔叔坐在座位上，導盲犬站其腿前，尾巴向下緊夾。旁邊有一名港鐵職員在場，似在調解事件，但未知爭執起因。拍攝者慨嘆：「真係好慘，平時導盲犬肯定瞓低或者趴低。知道保護主人即刻企起身，但條尾呃唔到人，夾晒尾表示好驚驚。」拍攝者續指，狗狗雖然受驚，但仍盡忠職守，「一到站就即刻走向門口，頭也不回咁，帶主人走，仲帶主人搭升降機，叻過我。」
影片掀起熱議，許多網民斥責，「又係啲無知廢佬，個職員有冇幫手？」、「陰公，隻狗狗好驚，人哋係導盲犬，你唔應該騷擾佢㗎」、「好少見到導盲犬係開心，其實明明已經有個港鐵職員喺隔離，做乜要鬧人？」、「狗狗條尾dup晒，佢以為自己做錯事..」、「咩事，幾廿歲人都唔知咩係導盲犬？？？冇啦啦鬧人」、「鬧人嗰個係咪無常識㗎，連導盲犬都唔知係乜！以為自己高人一等，叫佢坐的士啦！」、「如果我見到，我會小爆佢之餘，報埋警阻嚇佢都好！咁惡吖嗱！」。亦有不少網民見過該名視障叔叔和該條導盲犬，表示該隻導盲犬很乖的。
有自稱現場目擊的網民留言表示，事發於旺角站上車後，車廂內一名男子與視障叔叔疑因狗隻發生爭執，兩人「粗口互片」，吵鬧聲驚動數節車廂。但未料事件由旺角一直鬧至葵芳站，該網民指曾有乘客嘗試調停，但未見成效。目擊者於太子站落車後即向職員報告情況。最後該網民批評，「其實真係好憎啲唔成熟嘅『成年人』，係都要用粗口問候人係做咩事，最後受害嘅係狗狗，佢一定好驚。」
收藏
取消收藏
分享
