【點新聞報道】日前有網民於社交平台上傳相片，發文大呻某款小蛋糕實物與圖片嚴重不符，內餡少得可憐。
該名網民於Threads上傳相片，並抱怨「X你，咁L少餡」。從樓主上載的相片可見，蛋糕名為「胭脂伯爵茶忌廉蒸蛋糕」，產品圖片顯示內餡豐滿，幾乎佔蛋糕三分之一。然而實物咬開後，僅得極少餡料分布其中，與宣傳圖片相差甚遠。樓主不滿表示「好呃得」，更指「食晒都先得兩篤仔」。
帖文引發熱議，網民紛紛留言調侃，「打仗可以食3日」、「胭脂嘛，落少少就夠」、「維園阿伯篤痰都大篤過佢」、「睇錯咗，以為包住嚿香口膠」、「呢個真係好過份」、「冇認真睇嘅時候，我仲以為係壓縮餅乾……」。不過，有網民解釋道，「因為之前有人投訴啲cream唔好味，咪俾少啲囉」、「啱㗎喇，本身得個蛋糕係幾好食，入面個餡真係搞唔掂」。
收藏
取消收藏
分享
