【點新聞報道】離譜！有港男日前在社交平台分享離譜經歷，指搭Uber時遇司機在駕駛期間觀看成人影片，帖文引發熱議。
該港男於Threads上傳相片，直言「想分享一件超級癲嘅事」。事主指平日習慣開車上班，鮮有機會看街邊風景，「特登今日唔撳電話睇吓風景」。未料車輛駛入隧道時，事主竟發現司機在看有關成人影片的畫面，「我見到個Uber司機睇緊啲……嘢」。事主無奈表示「唔係我對呢啲敏感，係正常男人都會望一望」，又指「跟住出咗隧道，（司機）繼續睇嗰啲TG群組」。上傳相片顯示，司機正在駕駛車輛，而架在方向盤旁邊的手機熒幕上可以清楚看見是成人影片的畫面。
事主於帖文中怒斥，「我心諗，你有冇咁緊火啊？師兄」，其坦言「即係我自己一個啫，我同老婆一齊或者同小朋友一齊我真係開口xx你」。最後樓主詢問網民是否要投訴司機還是應該給司機一個機會。
帖文掀起熱烈討論，有網民驚呼「揸緊車連baby shark都唔應該睇啦，可況av」、「Waaaa（哇），投訴佢」、「大癲…」、「揸緊車仲睇電話，仲要睇呢啲，係咪傻㗎」、「有冇咁離譜⋯開緊工揸緊車喎，咁都得」、「佢根本係對樓主性暗示，好嘔心快啲投訴」、「都係性騷擾嘅一種」、「俾機會咩？俾機會佢整到下一個乘客？」
還有網民調侃，「高登音樂台MV啫」、「人同車一樣都要動力行走」、「即刻問佢邊個TG Group嘛」、「佢係咪睇緊屋企個CAM？」
收藏
取消收藏
分享
