【點新聞報道】近日有移英港媽在社交平台發文大吐苦水，指繼英國政府宣布移民新政策要求後，網上許多港人對B2英文考試的討論鋪天蓋地，讓其愈睇愈亂。其更坦言對自己能否通過考試「淆晒底」，帖文引發不少同路人共鳴，紛紛留言安慰。
該名移英港媽表示自己移民英國才兩年，距離申請永居尚有數年時間，屆時政策會否再變，無人知曉。不過港媽坦言：「但有一樣嘢我自己好清楚：如果要考B2，我真係會好淆底」，其無奈表示「驚咩呢？驚自己英文唔夠好」。港媽續指「平時生活用英文可能冇問題，但如果要考到 B2。聽、說、讀、寫（四項考試）全部都要過關」，讓她不禁懷疑自己：「有時我都會諗，我究竟得唔得呢」。
港媽提到，曾有網民嘲諷她「你哋呢啲移英港人抵死」，她當時反駁道：「我而家未有能力考到，唔代表我將來冇能力」。但是港媽坦言「但老實講，內心深處其實都會懷疑自己」。最後港媽表示，現在唯有自我安慰：「呢個世界冇做唔到嘅事，只有唔夠努力嘅人」，她指若真的要考，也只能努力準備，一步一步學。對此，港媽無奈感慨「最衰係佢唔正面講俾大家知，而家估下估下，真心好煩膠」。
帖文旋即引發熱議，不少同路人紛紛留言表示：「要合格啫，唔係要distinction/merit，唔好咁大壓力」、「唔知你考過B1未，我覺得幾鬆手（可能想吸引多啲人去考），我諗B2應該唔會好難pass，不過當然努力練好啲對自己喺度嘅生活都好吖」、「呢刻考我會好揗雞，但係我年頭先報到，要考都幾年後嘅事，仲有好多時間catch up，衰咗咪retake囉，相信始終會考到，差在唔知幾時啫。其實就算最後冇收緊要求，提升咗英文水平 (其實可能只係信心問題) 自己都會受惠，唔會嘥咗。你都仲有好多時間。大家都努力啦」。
收藏
取消收藏
分享
