【點新聞報道】日前有港女於社交平台發文揭露其兄長移民英國前偷偷欠下高額債務，最終要父母替其找數，帖文迅速引起熱議。
事主指兄長去年在移英前，就獲父親資助十餘萬以開展新生活。然而數月後，家中就收到不同公司的信件，事主無奈解釋道「原來我阿哥移民前喺財務公司借咗廿幾萬，欠卡數十萬，0機價上台拎咗部新iPhone走。」其更直言，「嗰陣，我見我阿哥ig story post英國新生活多姿多彩，我望住父母愁雲慘霧幾個月，最後爸媽還清晒啲債務。」
此後事主兄長還若無其事的攜女友返港過年，「阿爸阿媽見到佢帶女朋友返嚟仲好開心」，事主坦言，「我目無表情咁食完餐飯，我真係扮唔到無嘢，真係好辛苦。原來呢件事我好大創傷，望住阿爸阿媽好痛苦，我都好痛苦。」事主透露，自己曾多次勸誡父母不要幫兄長償還債務，但是父母未有聽從。
事主感慨道，自己從未擁有過名牌手袋，反觀兄長卻能夠「佢碌下咭就買到名牌衫褲鞋，每日uber，佢表面風光，原來全部都係我爸媽幫佢找數……」。最後事主無奈表示，「見到佢真係好辛苦，希望佢快啲返英國」。
帖文旋即掀起熱議，許多網民怒斥事主兄長此舉，直指「最大問題係佢完全無講低自己欠下咁多債，跟住走咗去。不但只不負自己責任，更加陷害緊屋企人！勁衰！你父母又唔出聲吞晒，只要佢一唔掂，一定會故態復萌！」、「你阿哥好仆街，但都係家教問題」、「你哥哥叫什麼名字，英國好細啫，好易搵公告天下，斷絕來往，PAN（抨）佢走！講完」、「此人唔死都冇用，禍害親朋戚友」、「最驚第時入唔到籍，又死返香港」、「人無恥便無敵」、「自己走咗去，留下老父老媽同蘇州屎的人都有同一個特質......自私L唔會感恩」。
亦有網民揶揄，「吓？呢啲只係移英L正常操作」、「為咗民主自由，梗係攬炒屋企過到英國就有新生活，根本就唔需要你香港屋企」、「遲d就會問拿錢借錢生仔同買車買樓」。
更有不少網民分享身邊類似事件，「好明顯係偏心啦，我識人拎咗兩老200萬去咗英國一個月回流都唔出聲，兩老打鑼咁搵佢，到老豆喺醫院就死，條友仔先蒲頭，最緊要你唔好幫手還，你兩老唔教好佢就佢哋自己負責」、「我都有一個這樣的妹，攞咗兩老份棺材本幾百萬去英國，日日在facebook show off英國生活多姿多彩又唔使做。正PK。」
收藏
取消收藏
分享
