【點新聞報道】很多香港人移民英國都要面對搵工現實，一名中年港男在網上發文，話想自己一支公移民英國，但就十五十六、至今仍未能拿定主意去邊個城市落腳，皆因他得中學畢業，又無車牌，但就要求多多想易搵工、交通方便、租金平，連軟水硬水都是條件之一。不少同路人見狀，都紛紛把他勸退。
該名港男在社交平台threads發文向同路人求助，話想自己一支公移英，「準備26年1個人去英國，想向大家請教最新資訊」，雖然已睇網上做功課，但未決定到想去邊個城市。他自我介紹人到中年，中學畢業、無車牌，亦非業專人士，「中年，U-grad，冇車牌，文職同藍領都做過，有喺其他唔同國家生活過，flexable。」
樓主列出心目中的理想城市條件，不但要交通方便、租金平、連軟水硬水都是條件之一，「target搵工作機會相對多，有公共交通番工，1房/studio租金冇咁貴的城市。可以再揀想軟水或輕度硬水城市（唔一定要，以搵到工作為首要）。」
不少同路人見都留言把他勸退，「第一次聽人用軟水決定住邊」、「冇車牌就倫敦曼城市區，仲諗啲香港人村鎮仔咁Ｘ9？」、「成個英國都爭緊工返，建議有車牌先過嚟」、「老實講，如果人到中年無細路仲要強調搵工過生活嘅話，留香港會舒服同開心好多！網上做功課係好表面，真係生活落差可以好大！唔好以為有喺其他國家生活過嘅經驗會容易咗適應，就算廿年前英國住過，而家都唔同晒，經濟差都係一大影響！」。
（本文為作者觀點，不代表本媒體立場）
收藏
取消收藏
分享
