【點新聞報道】日前，「英皇娛樂25+HAPPY BIRTHDAY慶典」第二批藝人宣傳照釋出，當中阿Sa（蔡卓妍）、阿嬌（鍾欣潼）的馬甲線引起網民熱烈討論，網民大讚相片「勁靚」「Twins好瘦呀」，但亦都有網民質疑是AI P圖。
官方3月9日釋出的拍攝花絮中，阿Sa一如以往身形fit爆、狀態十足，至於身形經常成為討論焦點的阿嬌亦狀態大勇，明顯見到她的腹肌線條分明，腰間馬甲線清晰可見，絕對是真材實料。對於網民質疑官方P上馬甲線，又留言指：「係咪AI吖」「p到阿嬌咁fit」，阿嬌就話：「絕對唔係AI啦，我都真係好努力㗎，有片有真相。」至於阿Sa則謂：「日日都同Kenny一齊加操！」另外，不少網民留言想「龍虎豹」合體表演，經理人霍汶希（Mani）回應：「今次英皇家族25+演唱會會有好多藝人crossover，密切留意我哋官方公布。」
今年除了是英皇娛樂25周年，亦是Twins出道25周年。早前舉行的「TWINS 25周年1314新春限定粉絲見面會」叫好叫座，兩場show都跟fans玩到癲，合照、送禮物等，福利好到滿瀉。見面會結束後，世界各地的fans都敲碗要求加開巡迴場，不過由於一早說明是「新春限定」，只此兩場，絕不加場，加上二人工作檔期亦排得滿滿，一眾走寶fans唯有得個恨字。
不過錯過了的fans亦不用灰心，目前阿Sa阿嬌密鑼緊鼓為「英皇娛樂25+演唱會」作表演準備，想親眼見證阿嬌完美馬甲線、Twins合體演出的歌迷要把握機會撲飛。
收藏
取消收藏
分享
