【點新聞報道】前《東張西望》主持人容羨媛（Fion）前年一家移居加拿大溫哥華生活，在當地主力經營社交平台及YouTube頻道，與粉絲分享生活點滴，其IG帳戶超過2萬粉絲。可是在本月4日她42歲生日當日，IG帳戶竟無預警被官方停用，她日前在YouTube直播中表示：「我真係喊咗出嚟呀，點會咁……點可以突然話冇就冇，唔畀上訴，唔知死因係咩。」而事件至今已經5日，仲未有進展。
容羨媛在生日當日發現無法登入IG，「生日訓醒無啦啦個IG log out咗，之後一login返就見到呢個message，（We've disabled your account 我們已停用您的帳戶）」。從其公開的IG通知截圖可見，帳戶或其活動「不符合社群守則」，因此帳戶已被停用。
容羨媛在YouTube直播無奈表示，「我真係喊咗出嚟呀，點會咁……點可以突然話冇就冇，唔畀上訴，唔知死因係咩。」她在片中更情緒激動多次落淚，指最近分享的IG帖文只是發布慶祝元宵節吃湯丸等照片，並沒敏感內容，完全不知自己違反哪條規則。
她指，IG帳戶不只是與粉絲互動和工作的平台，更有她多年與家人的生活回憶，「咁而家話冇就冇，我要由零開始？我裏面做咗啲我覺得自己幾好嘅片，有100k、200k、300k view 嘅，嗰啲全部冇晒，全部過眼雲煙！我今日係我生日，究竟個天想俾一個咩message我呢？係咪想俾一個message話我聽啲咩呢？我就去諗、去反思，究竟 IG 喺我哋...人生、social media 啦，喺我哋人生當中係...點樣？」她同時擔心事件會影響已簽訂的合作。
容羨媛也自責接子女放學時，告訴了他們這壞消息，「我見到啲小朋友，佢哋好開心見到我生日，然後我講一樣好唔開心嘅嘢。我就諗，我點解咁開心嘅生日，要俾一件咁樣嘅事影響到呢？呢一個係一個 social media，一個 IG，一個...虛無嘅嘢嚟嘅。我點解要因為呢啲唔實在嘅嘢，而影響到我真實嘅生活呢？我最重要嘅人就係我身邊啦！我唔應該因為呢啲嘢，而忽略咗我擁有嘅嘢。」
容羨媛表示，「我已經知道我最重要係咩啦，可唔可以俾返個IG account我呀！」她的丈夫就在旁取笑她「黐線！」、「聽日可能YouTube都冇埋呢」、「返香港做《東張西望》囉」、「上《東張》得唔得呀，《東張》幫唔幫到手？」成功令容羨媛再展歡顏，笑着說「轉頭WhatsApp《東張》嘅同事可唔可以幫我啦！」。
收藏
取消收藏
分享
