【點新聞報道】無本事都跟風移民，最終去到外國捱騾仔。有移民英國的港男在網上發文大呻，移英後難做回老本行，只能從事藍領工作，更是手停口停，直言感到絕望。
該名移英港男在社交平台threads放負，話以前在香港從事市場行銷（marketing）工作，但移民只能做藍領工作，「嚟咗英國差唔多三年，但都搵唔返老本行做，做咗三年Amazon倉務員」。
樓主指工作辛苦，返五日連周末，冇銀行假冇得同屋企人天倫樂，「月入£1800係稅後，每週返5日，但個更要返埋星期六日，所以屋企人放週末嘅時候我就要返工，我放假嘅時候佢哋返工，所以我會諗如果有得同佢哋放週末，起碼一日一齊出去玩都開心。」樓主還大呻仲要冇病假手停口停，「當你放病假嘅時候係無薪no pay sick leave。」
樓主直言對未來感到絕望，「真係唔敢諗點樣養下一代，有冇人明嗰種絕望？？」
帖文引起不少網民共鳴，「係事實呀..我都打三份工..喺英國單靠一份工根本係冇可能養活到一個家庭.…仲要今年經濟好差..有時連啲本地人都走出嚟跑外賣就知道個市道有幾差」、「其實係㗎，所以都唔知點，真係好迷失」、「我明，仲要每次交呢樣交嗰樣，錢就大大舊洗左出去，但你做到好努力，都追唔上個支出。好似做極都填唔到個隆，但又冇得揀，為咗小朋友要撐落去，但自己每日生活過得像被強姦」。有網民更選擇回流返港，「明，所以三年後我回流返咗香港」。
收藏
取消收藏
分享
