【點新聞報道】移民移到頭家都散埋！有舉家移民加拿大的港爸，經歷了四年移民生活，老婆疑似有外遇，更不斷冷言冷語、奚落他，最終落得離婚收場，並獨自一人回流返港。港爸坦言可以放棄一切，惟最放心不下小兒子，心情十分忐忑。
該名移加港爸在社交平台threads晒出一張機場停機坪的相片，話「再見傷心地，4x歲人先重新開始新一頁，真失敗唉」。他坦言可以放棄一切，惟最放心不下小兒子，並有感而發地寫道：「回顧4年幾移民生活，除咗賺到嘅係同小朋友嘅寶貴時光，其他如PR、朋友、工作…一切冇任何感覺及唔捨得。最唔放心嘅係細仔，我好唔捨得佢，無論我同你哋嘅媽咪關係如何轉變，我永遠都係最錫你地嘅爸爸」。
樓主慨嘆「走與留」好難搵到個答案，直言「走又死唔走又死」，惟答案相信要留待時間見證，「我十年後再回頭望返轉頭先知今日做呢個決定其實係啱定錯？」
樓主一直有在社交平台記錄離婚的心情，指仲有7個月入籍都放棄可想而知可怕程度有幾高級別。他提到留在家中並不好受，與老婆關係惡劣，「日日夜夜受盡冷言冷語，我只係扮聽唔到或者一笑置之，最弊佢係對住小朋友面前影射我。極大壓力e.g. 放隻杯喺island都會驚佢抽秤同影相周圍share，連返兩份工11,2點返到屋企食飯睇吓電視都試過比佢偷影背脊share比豬朋狗友唱我咁『嘆』...下刪100個例子。」
樓主憶述，當老婆正式提出離婚草擬時，心裏百般唔想，但殺到埋身無得再避，只有面對。他指老婆一方開出取得子女管養權，子女撫養費共$35000等，「因為我自問搵錢能力呢廿年都係同佢相差一大截，原因係佢係專業人士我唔係。我計過比咗呢個數，生活上每$1都要好小心用。諗過開源節流方法係唯有cut保險同0消費娛樂，放假日子去做part time。」而樓主亦有打算回流，「香港嘅offer可能就快揭曉，即係代表離開小朋友嘅日子越來越少，我心情已經開始崩壞」。
其實，樓主早已察覺老婆有婚外情，「我都覺得自己幾冇用，我知道老婆好多隱瞞同大話，好想爆大鑊但一諗到咁樣會同佢嘅關係更萬劫不復嘅時候卻步。點解？因為我仲好愛佢我唔想離婚！」他指出，老婆的行蹤很可疑，「佢同聲稱細佬嘅人有幾件對我嚟講不尋常事件：1) 話揸45分鐘車去食早餐一路唔敢聽電話2)撩人哋一齊飛去第二個city睇演唱會(本來係同細女兩個metime，而家變咗3人行) 3) 人肉外賣糖水送上門」。雖然樓主一直沒有放棄過想挽回，卻換來對方的絕情，最終落得離婚收場。
收藏
取消收藏
分享
