【點新聞報道】好人好事！一名女生日前幫襯深水埗一間人氣車仔麵店，點了70元4餸麵準備付款時，才驚覺不收八達通，惟身上現金只得60元，不知所措之際，排前面的陌生男子竟主動代付10元差額，且不用歸還，暖心舉動讓她大讚「香港其實真係好多好人」。
女事主在社交平台threads發文表示，當日去了深水埗人氣麵店「文記車仔麵」用膳，點知不收八達通，「嗌咗四個餸一個麵要$70，點知銀包摷來摷去都係得$60現金」，幸獲排前面男子相助，「排我前面個男人，即刻幫我畀咗個$10。真係超唔好意思。我話我過去銀行撳返畀佢，佢話唔使。」
帖文獲不少網民認同，「係㗎，香港其實仲有好多好人，只要感覺您真係需要幫忙，香港人好願意出手幫助！」、「香港人都是外冷內熱的。樂於助人。要讚」、「下次幫番他人，將愛傳開」、「基本上正常嘅香港人都會咁做，成日見小巴啲人八達通唔夠錢，又無散紙，都會有人幫手畀」。
有網民則笑言「男女有別」，「見你係女仔咋，估計我一個麻甩佬佢就唔會出手。不過都算係幾好紳士風度囉」、「掉轉係我肯定要去洗碗啦」。
收藏
取消收藏
分享
