【點新聞報道】馬年賀歲片《夜王》票房勢如破竹，昨晚（3日）特別舉行「東日開運元宵春茗」，導演吳煒倫、主角黃子華、鄭秀文（Sammi），聯同王丹妮、楊偉倫（阿卵）、盧鎮業（小野）、何啟華（阿Dee）、蔡蕙琪（Kay）開live與老闆們一起歡度元宵佳節，同場特邀蘇民峰師傅妙論各位嘉賓馬年運程，蘇師傅更大讚《夜王》片名改得出色，勢必衝破億萬大關。
元宵佳節能與《夜王》團隊聚首一堂，子華與Sammi均表現興奮，子華說：「好耐冇見過班員工，今晚真係有東日春茗嘅氣氛！」Sammi表示認同：「同埋大家一齊享受呢個美好嘅成果，真係好開心！」對於票房，Sammi首先想到「感恩」，子華亦有同一個想法，「好似Sammi話，《夜王》引起各種嘅討論、關心，可以話係為呢個城市點着咗啲嘢，多咗啲活力朝氣，我覺得係一件幾開心嘅事！」
而在歡哥與V姐的引領與帶動下，其他角色如Coco、Mimi、土地、太子峰、葵芳等也深入民心。Sammi：「我俾咗子華一個綽號叫『燈塔』，佢唔單止自己發光，仲令側邊啲人都一齊發光，佢喺歷史裏面係好獨特嘅存在。當然今次有咁多出色嘅香港新演員，咁快就得到認同，梗係好到不得了，我覺得呢個『燈塔』嘅光實在太厲害！」子華也自覺不無道理：「又真係喎！希望容許我哋開多啲戲，大家多啲入場，令新人有更多機會俾大家睇到，咁就最開心！」
有網民敲碗期待子華與Sammi繼續合作，導演吳煒倫卻驚爆想開喪屍片，子華笑說樂意被咬：「我想像到俾喪屍咬嗰種反應，我係會做得好好。」
另一位獲封「《夜王》MVP」的便是演葵芳的蔡蕙琪（Kay），一片成名的Kay，被蘇民峰師傅預言未來兩年事業將有更大突破。她冷靜地說：「聽到當然好開心，但我會保持平常心，繼續去做好自己，蘇師傅仲有提醒我唔好揸車，我考咗三次車牌，第三次先至合格，所以我今年唔揸車、搭地鐵，多啲去葵芳站，我諗我運程應該會好啲！」
（點新聞特約記者陳惠芳報道）
收藏
取消收藏
分享
