【點新聞報道】昨日（2日）網上流傳一段影片，輕鐵車廂內一名男子用力拍打一名嬰兒的腳部。拍攝片段的目擊者指，曾聽到該男子向BB講：「你伸隻腳上嚟啊！我打到你唔識伸上嚟！」影片引發網民怒火，齊聲促報警拉人。據了解，元朗警區刑事隊伍關注事件，經追查後今日（3日）在天水圍區，拘捕涉案的19歲本地男子，他為被打女嬰的舅父，涉嫌「對所看管兒童或少年人虐待或忽略」。
據悉，涉案男子已獲准保釋候查，須於3月中旬向警方報到。案件交由元朗警區刑事調查隊第十二隊跟進。
目擊者在社交平台threads上載影片，表示「希望可以forward到俾bb個媽媽睇」。帖文指，「呢個唔知係你老公你呀哥細佬定係咩都好，bb隻腳只係放咗上嚟佢就即刻打落去，仲要係唔止一次半次，係起碼廿幾次，而且每次都超大力咁打落去，打到啪啪聲，臨落車嘅時候佢仲要用個電話好用力咁打落bb隻腳度，真係見到好X心痛。」
收藏
取消收藏
分享
