【點新聞報道】昨日網上流傳一段影片，輕鐵車廂內一名男子用力拍打一名嬰兒的腳部，片中可聽到響亮的啪啪聲。拍攝片段的目擊者指，曾聽到該男子向BB講：「你伸隻腳上嚟啊！我打到你唔識伸上嚟！」影片引發網民怒火，齊聲促報警拉人。
有網民在社交平台threads上載影片，表示「希望可以forward到俾bb個媽媽睇」。帖文指，「呢個唔知係你老公你呀哥細佬定係咩都好，bb隻腳只係放咗上嚟佢就即刻打落去，仲要係唔止一次半次，係起碼廿幾次，而且每次都超大力咁打落去，打到啪啪聲，臨落車嘅時候佢仲要用個電話好用力咁打落bb隻腳度，真係見到好X心痛」。
樓主形容該男子「真係似有一個痴線佬」，指「bb俾佢打嘅時候淨係輕輕喊咗2聲，呢次真係我人生咁想一個bb喊得超大聲」，奈何她無勇氣當面制止，並為此自責「bb我對你唔住，係姐姐冇勇氣救你。」
樓主希望帖文獲得廣傳，「我真係好希望bb嘅媽媽可以見到你個bb俾佢咁樣虐待」、「我真係好希望見到你哋可以forward出去，俾bb媽媽見到」。其後樓主再在留言重申，「我唔係要like呀，我要你哋forward出去」。
影片曝光後，隨即引起網民怒火，紛紛鬧爆該男子喪心病狂惡，「報警啊虐兒啊」、「黐線，要報警！個BB可能個6月大都冇」、「唔好等fw，分分鐘佢老母係同謀，想救B就即刻去報警」、「唔識湊就唔好生，人渣都冇你咁衰」、「大庭廣眾都敢咁殘酷，私下虐待更恐怖」。
有網民就已報警，「hello，我已經報咗警，請check dm，因為見到好心痛，而警方話需要你更多資料先做到嘢」。
收藏
取消收藏
分享
