【點新聞報道】近日網上流傳一段影片，見到兩名長髮女子在尖沙咀一個商場的超市購物後，用超市手推車推到停車場時，把他人的私家車車頭「當枱用」。車主翻看車Cam時頓感心痛不已，於是放上網公審，直指「唔好當人哋嘅車頭喺張枱擺啲重嘢上嚟先得㗎」。
一名車主日前在社交平台threads上載短片及圖片發文，話「K11 art mall，知你哋兩個買完餸好開心，但唔好當人哋嘅車頭係張枱擺啲重嘢上嚟先得㗎」。據悉，事件發生在2月11日晚上約7時，從影片可見，兩名長髮女子將環保購物袋放在車頭上，再從超市手推車拿起貨品放入購物袋內。
有網民留言問「佢哋有冇還返架推車俾超市」，樓主於是再上載兩張截圖，顯示其中一名長髮女子疑在整理完物品後，把超市手推車置在牆邊。樓主還透露「嗰日就係啱啱洗完車」，不少網民戥樓主慘，「如果架車係我嘅，一定會心痛死，平時正常揸，有沙石刮花都算，呢啲係唔正常被刮花」。
不少網民批評兩名長髮女子的行為，「真係好無品」、「好丟臉…」、「真係好自私」、「自私嘅極品」、「唔放自己車頭，放人地車頭，X街到咁都有」、「又真係好過火嘅，要分就喺自己車頭分啦」、「自己有車唔用？用人哋架車？？打開車尾箱慢慢執都得啦！」、「熟練到呢，一定唔係第一次」、「品德家教呢啲野真係唔係個個有」、「推到佢地朋友家人睇到佢地嘅醜態」。
另有網民分享類似經歷，「試過兩次，一次成個人挨晒落車門度食煙，一次有個醉酒佬挨晒落車尾準備嘔，作為一個無力嘅女司機都唔知可以點好」、「我都試過一次有兩個人傾偈，一個挨住車門，然後我企喺最遠但可以開到防盗嘅位置，然後閂防盗塊鏡開，佢即刻彈開然後記得即刻開番防盗，我都係女司機」、「試過泊厚福街，行緊返去攞車，有幾個香港人企到勁貼架車，上一秒重講緊佢地企到咁Ｘ貼，下一秒其中一個男人(30歲左右)一Ｘ放咗支烏龍茶喺車頂，即刻問師兄你咩事」。
收藏
取消收藏
分享
