【點新聞報道】近日有移英港媽於社交平台分享被童黨長期滋擾的經歷，並求助網民該如何解決，帖文掀起熱烈討論。
該名移英港人發文稱，自去年搬入現居後，便不時被一群年齡約8至18歲的男孩敲門騷擾。樓主憶述，「上年來時佢哋已經成日敲下門跑走，今年直頭開始用腳大力踢門。度門每日都有唔同腳印都算，大力到真係以為有人爆門」，其更無奈表示「全家狗都吠晒，屋企人喺走廊嚇親，連我喺樓上瞓緊都會嚇醒」。樓主續指，「有cam影到晒係佢哋，走埋去好聲好氣傾，但個個都只會賴皮唔認自己」，僅推卸是隔壁村的一個小孩所為。
樓主無奈求助網民，直言「真心喺英國發生呢啲鄰里關係又關minor（未成年的）事。唔知點算，宜家已經去到每晚都5至6次咁」。
帖文掀起熱議，許多移英人士均表示有類似經歷，指此類情況相當普遍，「antisocial behaviour真係好麻煩，就算俾你捉到d細路都唔可以做d乜！ 我哋試過俾人掟蟲仔（餵雀嗰d乾蟲）入信箱同掟石仔...」、「我第一晚入伙都有鄰居教裝返個有cam嘅doorbell，佢哋知有人影住就唔會咁做，門口泊架車阻住佢哋都有用！！」、「我係隔離屋啲垃圾朋友成日搞事，我最後喺屋企前後院裝4個camera對街、對車、對後門...」、「之前為咗防止班細路踢門，我哋將個大bin（垃圾桶）放正喺front door（前門）前面，佢哋見到咁就無踢我哋度，係核突啲但頂住先冇辦法」。
有網民則提醒樓主，「絕對唔建議將minors的樣放上網，更唔可以叫網民認人，有機會俾佢哋投訴返轉頭，影響埋DBS，入醫院、學校工作會有問題」，樓主則表示贊同，「喺英國公審Minor真係唔好亂試，最重要係我仲未係PR」。
亦有網民揶揄，「報警，我都試過，不過差佬都係同佢講耶穌only」、「喺英國住係咁，唔同香港，冇管理員幫你睇屋，冇計」、「唯有搬去住大廈」、「買槍啦」。
最後樓主決定報警備案，再看後續情況如何，不過樓主亦勸誡「講多句真係，唔好亂咁post minor樣，真係好易瀨嘢」。
配音：袁由
收藏
取消收藏
分享
