【點新聞報道】近日網上瘋傳一段港鐵車廂的爭執影片，一名女乘客指控遭到老婦非禮，豈料卻遭到疑似老婦丈夫的反擊，雙方展開罵戰，事件引發網民熱議。
女事主在社交平台上載影片，寫道：「為老不尊，嗰隻癲雞由荃灣站摸我到葵興站，隻佬扑出來發癲，天理何在？我真的好憎X老，你們教我如何可以平息怒火？」。從影片可見，女事主當時乘坐荃灣開往中環方向的港鐵列車，在車廂內和一對疑似年長的夫妻發生爭執，身穿迷彩服的老伯更舉起手機和女事主「互影」。
女事主當時指被其妻子非禮，老伯聞言表現激動表示「你去報警」，女事主反指對方「又發癲」，並多次指責「為老不尊」，阿伯則反斥「你白痴㗎」。當老婦想加入罵戰時，阿伯卻叫對方「你唔使同佢講嘢」、「我唔使驚佢嘅」，並再斥女事主「垃圾嚟嘅」。
女事主其後講述被非禮的經過，指坐在座位時不斷被老婦觸碰敏感部位，「有咩理由你坐喺到，摸完我個肚仲要摸埋我個胸，咁呢啲都唔係叫非禮呀？」老婦聽後立刻表示冤枉，女帖主繼續表示「我由荃灣俾你摸到葵興先出聲」，影片至此結束。
影片引起網民熱議，有人支持事主表示「應該拍片留記錄，下一步報警，好好保護自己」、「非禮案點都要嚴重啲處理啊，因為佢下次可能又會有下一個受害者㗎啦」、「希望你影低咗佢之後有其他人見到會有警惕啦」。不過，亦有不少網民質疑事件「個女人非禮你？你會唔會諗多咗」、「好難理解？個阿婆有乜嘢理由係荃灣摸到去葵興」、「有啲人係想咁樣整走你坐第二度」。
另有網民慨嘆港人態度冷漠，「香港愈來愈少人肯出聲幫手」、「不嬲都唔覺多人幫手㗎啦」等。
收藏
取消收藏
分享
