【點新聞報道】一名前香港上市公司主席日前於網上分享對英國護照的看法，話「護照對我來說只係裝飾品」，形容為「除咗去某些地方免簽證外，基本上係零用途」，帖文旋即引起網民熱烈討論。
前香港上市公司主席潘啟才（Phemey Poon）日前在其個人fb上載了兩張英國護照的相片，並寫道：「人生真係好奇妙，好多人為咗呢本嘢，放棄咗成個香港，而我...純粹因為當年『貪得意』，乜都冇做過就拎咗本護照返屋企。」
他續指，這本護照多年來對他而言，「除咗擺喺度封塵，及去某些地方免簽證外，基本上係零用途」，仲Hashtag（標籤）「#人生就是這麼荒謬」、「#護照對我來說只係裝飾品」、「#英國護照」及「#廢物利用」。
帖文引起網民熱議，「有班黃L以為外國月光特別圓」、「既然咁冇用，不如剪咗佢，順便申請埋放棄國籍」、「我從來冇諗過要攞呢本嘢！」、「有Passport，但有無福利㗎？英國現在好似好唔掂，要去都要諗諗先」、「貪得意…. 定係『驚蝕底』至真」。另有網民不同意「零用途」的觀點，指「有續證，都話無用喎，講都無人信啦」、「用來某些地方免簽證咁即是有用啦⋯⋯」、「你都話去某些地方免簽證，即係你有用啦」。
此外，對於樓主直接上載護照的個人資料頁面，讓不少網民感到驚訝，「個人資料post埋出來咁都得」、「咁夠薑將本護照擺上網連樣連名都唔刪走」、「點解有人會把自己護照資料碼公開比人睇咁戇Ｘ」、「邊有人咁低能，影埋自己個名出嚟，個樣又唔遮住⋯⋯」、「無遮無掩任何資料放上網，就算係自己呀，犯法㗎喎」。
其後，樓主再發帖直指估唔到會引起咁迴響，「出呢個post後，我差不多沒有再睇及回復任何留言，但居然有咁嘅反應。」有網民就留言話「你中咗流量密碼呀！大哥」。
收藏
取消收藏
分享
