【點新聞報道】近日有移英港媽於社交平台大呻在英國生活得提心吊膽，更目睹有同路人於停車場被偷車，網民直言「其實伯明翰成日有人偷車㗎啦」。
該名移英港媽在網上分享，指見到有YouTuber在伯明翰的Millennium Point Multi-Storey Car Park被偷車了，港媽驚呼「老實講，我第一個反應係嚇親」。港媽稱她間中都會在那個停車場泊車，她無奈表示「真係冇諗過，原來可以咁危險」。
緊接着港媽回憶起初來英國的時候，直言「啱嚟英國嗰陣，我係成日提心吊膽嘅。YouTube睇得多，覺得英國治安好似好麻麻」。她續指，以前出市區一定會鎖軚盤鎖，而如今住久了，她又覺得「『其實冇咁恐怖啫！』，慢慢就鬆懈咗，老實講，有時已經冇鎖」。最後港媽決定，「由今日開始，我決定對自己負責返一次。軚盤鎖，鎖返。小心啲，永遠唔會錯。」
帖文掀起網民熱烈討論，不少網民驚呼，「我都以為嗰個好啲，估佢唔到。下次都唔知泊得邊度，Selfridges先安全」、「原來真係唔懶得」。
亦有許多網民認同伯明翰偷車問題嚴重並分享經驗，「要鎖呀！我哋試過畀人偷車，所以之後買咗個好重成個鐵餅嘅軚鎖鎖住，依家去邊都鎖住」、「暫時喺英國去咗幾個地方，係得birmingham見有人用軚鎖，仲唔止一架車一個地方，就知呢個地方有d料到」、「習慣咗就唔會覺得麻煩，我就算落車三分鐘，借個廁所都會照上disklok」、「用Smart key嘅要更加小心！記得要用防盜系統保護條車匙」、「Yaris嘅零件可以拆散拎出去賣，同埋一直都係高危車款…」、「Yaris係高危車款，因為零件需求大」、「謝謝分享，其實伯明翰成日有人偷車㗎啦，我每日都會鎖軚盤鎖車！」
收藏
取消收藏
分享
