【點新聞報道】農曆新年期間，不少人會有派小額利是給服務人員，為表達感謝他們的服務和辛勤的工作。近日有港女誤派500蚊利是給管理員，其便於網上發文求助，引來網民熱烈討論。
該港女於社交平台發文指，「唔小心畀咗家人畀（我）嘅利是畀管理員，入面係500蚊」，緊接着港女發問，如果是你，你會怎麼選擇，「a).去同管理員講畀錯咗，畀另一封利是畀佢。b).大方d，畀都畀咗」。
帖文掀起熱議，不少網民表示，「如果係A嘅話，你應該話入面係吉嘅，畀錯咗」、「同佢講話畀錯咗囉，因為自己屋企人係一種福氣」、「同佢講畀錯吉」、「我揀A，唔係錢嘅問題，而係家人畀嘅利是畀咗其他人，感覺冇咁舒服」、「同佢換返，屋企人畀嘅利是係屋企人嘅祝福，你可以畀返$100畀管理員」、「如果唔驚樣衰可以攞返」、「睇吓管理員平時表現囉，如果平時都禮貌嘅、有打招呼嘅，叫得出你姓氏嘅，就B。平時x口x面、叫外賣都留難外賣員嘅，A！老虎蟹都A！」。
多數選B選項的網民認為，「你要諗派得出去就自然賺得返，開心錢嚟」、「你畀大利是畀管理員，可能嚟緊一年會有特別待遇呢，樂觀啲睇」、「畀利是同潑咗出去嘅水一樣，收唔返，當教訓唔好咁大頭蝦，否則畀看更講足幾年，最重要係封利是隨時已經拆咗，邊肯畀返您」、「利是畀咗就唔可以收返，意頭唔好㗎」、「放心，管理員會知你畀佢，呢一年佢會好好回報你，$500唔會白畀」、「畀都畀咗」、「咁樣收返，起碼衰三年」。
另有網民則笑言，「下次記得記口訣，一百蚊紙頂心口、十蚊港紙扎褲頭、大餅硬嘢最就手、一蚊美金摸籮柚」、「我係保安就醒水畀返你,如果撈埋其他就真係so99y啦」、「你樓下今年會有自動門畀你用，唔洗你自己開」。
收藏
取消收藏
分享
