【點新聞報道】無綫選美冠軍朱晨麗與藝人趙璧渝（Osanna），早前到香港專業教育學院IVE（觀塘），為「BUSINESS INSPIRING INNOVATION香港藝人管理的挑戰」擔任客席講師。
席上二人大談入行原因。透過參選港姐入行的朱晨麗，笑言參選是因為「冇錢」：「參選時候，語言係最大挑戰，當時無勇氣站上台，係因為要『食飯』，知道唔嘗試就一定失敗。當時唔太熟悉娛樂圈，連擺Pose都唔識，但好感恩，過程中有好多本地女仔幫助我，又幫我惡補廣東話，我同佢哋關係都keep到而家。其實選美時，屋企人話有泳裝環節，佢哋叫過我唔好參加，不過我都努力克服。」身旁的趙璧渝聞言，表示很佩服對方的勇氣。
提到初入行所遇的困難，朱晨麗自言當時自己連鏡頭在哪裏都不知道，更曾擋住了吳卓羲的鏡頭，鬧出笑話。不過，講到最大挑戰，朱晨麗認為是面對外界的抨擊及輿論壓力，她說：「當時只識喊，不知喊咗幾耐。」後來朱晨麗了解到喊都沒用，「要內心變得強壯，調節心態，接受唔到咪唔好睇啲評論。」至於趙璧渝初入行的最大困難，莫過於經濟問題，她表示：「訓練班畢業後人工好少，好難捱，得幾千蚊月薪，所以要搵其他兼職去支持生活。」
（點新聞特約記者陳惠芳報道）
收藏
取消收藏
分享
