【點新聞報道】近日有屯門餐廳在農曆新年初一向食客收取15蚊「新年快樂」費用，引發網上熱烈討論。
有食客於社交平台上傳單據相片，表示「15蚊1個恭喜發財，大年初一係咁」。從樓主上傳的單據相片中可見，樓主當日下單了牛腩麵、水餃、檸檬茶及奶茶等食物，最後一項費用列明「新年快樂」收費15元，整單共計124元。
帖文引發熱議，網民意見兩極。有網民批評餐廳此舉，「這是壞規矩」、「貴過加一」、「香港飲食業點會唔死」、「食牛腩麵都加一，唔食好過，最大問題佢加咗係咪畀夥記先」。
亦有網民認為餐廳過年收附加費用屬正常措施，「新年當畀封利是囉，年初一流流攞個意頭，來年順水，咪覺得值啦，一係在屋企自己煮嘢食」、「不嬲過年都會加，以前加二、加三，而家咪平咗囉，過年都開工加少少，唔過分」、「如果餐廳門口有寫明新年快樂價值15蚊都ok嘅」、「新年要返工嗰啲，真係多得呢啲餐廳肯開先至有嘢食咋」。
收藏
取消收藏
分享
