【點新聞報道】距離農曆新年只剩數日，不少市民都會選購年花作為家中擺設。日前，有網民於網上訴苦，稱在商場花檔以300元購入一棵「蘋果樹」疑似受騙，帖文引發熱議。
該網民在facebook群組上傳多張相片，表示「在新北江買咗個假蘋果樹，仲要俾個惡女人指住個鼻哥鬧」，事主無奈直言「好陰公豬，呢個年頭在香港消費都慘」。
帖文引發網上熱議，不少網民紛紛留言表示，「傻瓜，d蘋果痴（黐）上去㗎」、「蘋果係真的、蘋果樹都係真的、但是係接上去的。內地媒體都有播」、「仲有呢啲係短租檔，話知你喇賺錢為上」、「一睇就知假㗎啦」、「好多年前都已經知道呢啲蘋果樹啲蘋果係釘上去嘅！咁細棵樹正常認知都唔會有咁多咁大隻蘋果啦！」、「用竹籤拮上去」。亦有網民調侃，「咁細棵，牛頓點坐樹下面俾蘋果撲頭」。
另有網民則認為，「唔係嫁接又點樣可以有咁細的蘋果樹呢，上水係買嘅無知，就唔係人哋呃佢」、「下次你上網睇吓蘋果樹係點，咁咪唔會俾呃，但明買明賣咪當裝飾」、「呢個係有無常識嘅問題」、「賣家都唔知你會當真咁買」。
後續事主亦在留言區多次回覆指，購買前曾多次向店方詢問證實，對方堅稱是真蘋果樹才選擇購買的，慨嘆「依家高科技出現好多嘢都會覺得合理，所以我唔知先問佢係唔係真蘋果樹」。
收藏
取消收藏
分享
