【點新聞報道】為紀念入行40周年，陳松伶相隔14年，再度在港開個唱，日前陳松伶（松松）接受HOYtv主播Angela俞詠文的專訪，暢談重返舞台的心情與近況。
松松笑言這個演唱會是一個大派對：「今次可以將由出道同埋每個時期的成名作，同我歌迷一齊分享！我心情非常緊張，因為太耐冇見，亦都唔希望喺表演時有任何閃失，當然現場一定有啲甩漏，但都希望可以做到99分！講到其中一首最有回憶嘅作品一定係烏卒卒！大家可以一齊帶住個頂阿拉伯帽一齊唱！」
為了備戰演唱會，松松近半年積極收身，成績亦非常好：「多謝我身邊有一個魔鬼教練的老公，有時佢督促得太勁嘅時候，我就會藐佢㗎啦。最好健身室裏面得我兩個，否則被人誤會我不斷呻吟做乜鬼嘢。我成日影裸照，影低跟進下個進度。他千祈不要遺失手提電話！如果流出去就大件事喇！哈哈哈！」
回憶入行多年的悲喜事，松松就表示自己太年輕入行，當年常常覺得迷茫，經歷過起起跌跌，在她跌倒之後，她說：「能夠重新起番身就ok喇！」在娛樂圈打滾多年之後，松松回歸校園生活，她笑言當時感覺非常愉快：「返返去大學讀書，喺學校反而覺得同學對我好好，佢哋甚至幫我做曬啲paper擺喺我車頭，我唔覺得佢哋暗戀我囉，因為我啲頭髮又短，佢都唔知我係男定女！好似我老公咁，頭頭聽到我個名嘅時候，都以為我係男仔，因為我同劉松仁個松字一樣！跟住以前我劇嘅造型，條眉又粗到好似青馬大橋咁呢！其實我根本就唔係我老公本身鍾意嘅類型，佢鍾意周慧敏㗎！哈哈哈哈哈！」
（點新聞特約記者陳惠芳報道）
收藏
取消收藏
分享
