【點新聞報道】因家事糾紛和忘年戀成為城中熱議人物的何伯（何煊）和何太（葉秀定），現時已經離婚和因蓄意傷人罪對簿公堂。何太日前接受網紅訪問，最初接受追求只係誤以為何伯「身家過百億」，直言：「佢咁大年紀，我貪佢咩呀？貪佢老咩？」。
前何太日前接受網紅訪問時表示自己被何伯欺騙，最初以為他「身家過百億」，可以協助她創業：「我係一心諗住佢有可以幫助到我創業，我先至接受佢㗎咋！」、「如果佢一早比我知佢只得450萬，我眼尾都唔會睄佢」。
前何太覺得何伯自以為有錢，「以前呀，香港好多人都搵大錢㗎，香港地以前好好易搵錢㗎，九幾年嗰時呀，所以你話佢（何伯）早20幾年退休？點會咁樣浪費時間、浪費青春呀？三、五百萬都未夠自己養老？分分鐘自己身體有癌症，醫幾千萬容乜易呀！」
前何太堅稱自己「窮得正直」、不屑貪錢，「我一心諗住同佢，佢有可以幫助到我創業，先至接受佢㗎咋，講真㗎，真係咁㗎。我所以從來唔會呃人囉。你幫得到我你就嚟，你幫唔到我你就走開啦。」
節目播出後，惹起網民熱議，「有百億行街市會撞到你咩？」、「話人哋打本比佢做生意，自己有冇本事先？」、「貪錢貪到上腦」、「連自己都呃埋自己」等等。
收藏
取消收藏
分享
