【點新聞報道】搭巴士最怕遇上大聲播片的擾人行徑！近日有網民分享一段短片，可見一名伯伯竟自備橡筋將手機固定綁在扶手之上，打造出專屬的影視娛樂系統。網民亦紛紛表示尊重，更有人激讚「阿伯無論教養、頭腦定係品味都好有水準」。
該名網民在社交平台threads發布一段巴士車廂的影片，可見一名伯伯發揮生活智慧，自備橡筋將手機固定綁在扶手之上，一邊插上耳筒睇片，一邊點頭用手拍大髀打拍子，一派悠然自得。樓主發文力讚「巴士頭等有埋影視娛樂系統，戴耳機加分，睇吓哥哥打晒拍子幾enjoy」。
帖文引發網民熱議，不少人都大讚伯伯有公德心，「用耳機、不騷擾別人，有公德心，抵讚！」、「老人家關愛座識得用耳機抵讚」、「呢個年紀識得戴返個耳塞已經唔多，值得讚賞」、「肯用耳機打敗90%老人」、「用耳筒直頭要讚揚」、「阿伯識用橡筋，又唔嘈住人，俾個叻佢」、「欣賞叔叔戴耳機，優質公民！」、「俾like有公德心嘅老友記」。
有網民甚至忽發奇想：「可摸耳（可唔可以）搵呢位哥哥仔同九巴拍番條片，教育一吓大眾睇片必須戴耳機」，可謂創意無限。
收藏
取消收藏
分享
