【點新聞報道】陳山聰、梁烈唯與林盛斌（Bob）首次合份投資、製作與主演的馬來西亞賀歲電影《媽媽又要嫁》，大年初一（2月17日）將於當地正式上映。為了在開映前力谷宣傳，三人特地提早赴馬來西亞不同地方造勢，力求新戲能夠在馬年票房大賣。
前晚在吉隆坡舉行首映禮，戲院外一早塞爆過千人，十分墟冚。三人身穿中式賀年服登場，連同伍詠薇、大馬演員馮瑋佺提早向觀眾拜年。首映儀式上更安排1條大龍與3隻醒獅助興，陳山聰更負責打鼓，炒熱全場氣氛。
陳山聰說：「本來我諗住親自上陣舞獅，但驚搞到全身大汗唔係幾好，所以就負責打鼓，正所謂『鼓聲一響震天下』，攞個好意頭，希望套戲都可以響遍全馬來西亞。」
今次首映禮在戲院中安排了13間放映廳，全部座無虛席。3人跑足各廳謝票，最後就同觀眾一齊睇戲，看觀眾反應，其間聽到大家笑聲不絕反應好好，3人感到十分開心與感動，放下心頭大石，林盛斌更聲稱「感動到流了一滴眼淚。」
問到會否令他們對票房增加信心，更封了蝕本門，陳山聰說：「我哋唔敢講，當然對我身為投資者或者對其他大投資者來講一件好好的事，更希望電影能在港上映。」
陳山聰又爆拍攝期間之趣事：「有場戲為藝術犧牲㗎，其實嗰場戲都唔知要點收科，惟有咬Bob個屁股啦，但就算真係拉低佢條褲，相信佢都唔會介意嘅！」林盛斌即扮嬲回應：「都好變態！其實如果觀眾睇咗會笑，要我做乜都冇所謂啦。」由於影片未上映已贏口碑，他們已考慮開拍第二部，希望為電影圈略盡綿力，令更多人有工開。
（點新聞特約記者陳惠芳報道）
收藏
取消收藏
分享
