金像獎提名｜古天樂梁家輝競逐影帝　章子怡馬麗入圍爭影后（附名單）

【點新聞報道】第44屆香港電影金像獎提名名單今日（10日）公布。其中古天樂兩部作品入圍，包括《私家偵探》、《尋秦記》。內地演員章子怡、馬麗提名金像獎影后。

杜德偉憑《風林火山》入圍香港金像獎最佳男配角，他回應道：「哇，心情非常興奮。因為我覺得去到我而家人生呢個階段都仲有第一個第一次提名，而且呢個第一次係自己從來冇諗過。《風林火山》呢套戲推出嘅時候呢，其實好多人睇咗，好多人都話我演嘅呢個角色好突出，咁我覺得呢個角色係一個我好鍾意嘅角色，自己又做得好開心。咁但係，當人哋話我做得好好嘅時候，我只不過係覺得自己盡咗力去做，真係冇諗過。而家心情就覺得好興奮，同埋咁啱今日係我生日，收到呢個消息，我覺得係一個對我來講係一個好好嘅生日禮物，同埋係一個對我現階段嘅事業一個好大嘅鼓勵。」

陳法拉憑《贖夢》入圍香港電影金像獎最佳女主角，她回應說：「事隔十年再返香港拍攝港產片，得到提名非常感動，很感激香港的同行及觀眾沒有忘記我。亦很感謝導演張家輝及監製鍾珍給我這次機會，還有感謝整個團隊令我的角色能夠這麼立體及豐富。」

《金童》榮獲香港電影金像獎3項提名，當中包括最佳男主角（張繼聰）、最佳新演員（李佳芯）、最佳動作設計（黃偉亮）。

張繼聰回應說：「《好開心啊！頭先宣布嗰一刻呢，其實內心都好激動，即係因為行到嚟呢一步，有咁樣嘅成績真係好唔容易。咁喺我心裏面最感動嘅地方係，因為呢個係成個團隊好多人嘅努力，即係唔係得我一個就可以做到，係好多人奮不顧身去成就呢件事，諗起入面幫我手嘅團隊，每一位兄弟姊妹呢個心就好感恩。同埋，我都好開心積師傅（黃偉亮）同埋Ali（李佳芯）都有一齊提名，咁所以係非常之開心啊！」

他說，「我覺得呢件事真係好勵志，即係由Day 1準備呢套戲、到拍攝、到籌備上映、上映嘅時候遇到所有嘢都係勵志片，咁我覺得證明係勵志片喺市場上係有市場；喺人生上其實都係仲有勵志片嘅事情會發生，所以都好開心，人係應該保持正面嘅諗法、保持希望、保持熱情咁樣，所以好多謝好多謝大家對我嘅支持，我係完全收到晒！」

梁家輝憑《捕風追影》入圍最佳男主角，他回應說：「我啱啱收到消息，我入圍咗香港電影金像獎嘅最佳男主角，但其實我心裏面最高興嘅係聽到名單之後，原來我身邊所認識嘅友好，包括《風林火山》《捕風追影》裏面嘅演員都有入圍，覺得呢個係我最開心嘅一件事，其實作為演員能夠有作品入圍，獲得大家肯定係一件開心嘅事。」

衛詩雅憑《再見UFO》入圍今屆金像獎「最佳女配角」，她表示：「因為當時我正身負宣讀今屆入圍名單的重任，緊張到完全反應不來。此刻我感到非常榮幸和鼓舞，多謝大家的肯定，也謝謝導演、監製、劇組和演員夥伴們，以及一路支持我的家人，公司，同事及朋友。再次能夠透過角色被觀眾看見，是我作為演員很大的鼓勵，未來我會繼續努力，把更多真誠的表演帶給大家。」

入圍「最佳編劇」江皓昕表示：「多謝監製、導演、每一位演員和工作人員。多謝華富邨、多謝航行者一號、多謝他媽歌池、多謝解剖外星人。多謝香港，多謝喜歡香港的香港人。」

入圍「原創電影音樂」及「原創電影歌曲」崔展鴻表示：「多謝Amy和編導相信我、多謝音樂保護我。要我的家人和身邊愛我的朋友們掛心，讓我感到很不好意思，同時知道自己很幸運。多謝『再見UFO』。」

至於入圍「原創電影歌曲」《華富一號》主唱黃淑蔓回應說：「由2015年第一次企喺金像獎舞台，當時我14歲，到2026年可以再次入圍最佳原創電影歌曲，好感恩，多謝《再見UFO》呢一套電影。感激呢個行業，同所有同我一齊完成音樂嘅夥伴，我哋金像獎見啦！」

陳家樂憑《像我這樣的愛情》首次獲提名最佳男主角，他表示，「這次演出讓我遇見了許多值得學習的同行者，多謝導演、Fish和其他演員對手、台前幕後的工作人員共同成就了這部電影，也讓我在表演上得到一次重要的歷練。同時多謝金像獎的選民給予我這份鼓勵，感激公司一直以來的栽培。我會把這份肯定化為前行的動力，在往後的作品中，繼續踏實地走好演員這條路。」

憑《水餃皇后》提名最佳女配角的惠英紅說：「今日做緊電影宣傳嘅時候收到呢個好消息，好開心好激動啊！因為能夠再獲得金像獎提名，係演員一個最大嘅榮幸，我希望盡力啦，我覺得入圍已經係一個榮耀，謝謝大家。」

以下為提名名單：

最佳導演：

吳啟忠《世外》

李子俊《私家偵探》

梁柏堅《再見UFO》

舒淇《女孩》

陳可辛《醬園弄·懸案》

最佳男主角：

張繼聰《金童》

古天樂《私家偵探》

梁家輝《捕風追影》