【點新聞報道】75歲的李龍基近日負面新聞不斷，日前遭藝人歐錦棠於網上節目指控拍劇臨時推劇，欠缺道義。不過，李龍基回應傳媒查詢時，反駁對方未按協議提供合約及訂金。
歐錦棠於YouTube頻道《乜乜棠水舖》指，當年拍攝劇集《打天下2》當時需要一名上年紀的老演員演出一個戲份不少的角色，故揀中李龍基，「傾好咗價錢，畀晒期佢，點晒頭，因為嗰陣時冇嘢做吖嘛！」。惟臨開拍之時，李龍基卻突然在港接了一個登台唱歌的工作，以檔期衝突為由推辭，「大陸通關啦嘛，佢話佢開始接到大陸嘅show喇！我同佢講，你接到就講畀我聽，有咩期就大家盡度，佢話唔係呀、唔接你哋喇，唔拍喇，我直頭上去唱歌。」
歐錦棠承認雙方未簽約，自己也因一時疏忽未支付訂金，「我唔係要你好多時間，同埋當時你唔係滿心歡喜接呢個劇咩！」，又表示對李龍基不留情面咁拒絕，感到相當憤怒，質問「道義何在，合作精神去咗邊？」。
李龍基回應傳媒查詢時指，當時自己多番要求簽署合約，對方的代表卻一直拖延，「對方只說還在準備，所以一直未有簽約，也未有收到訂金！到開工時間很接近時，還未有簽約或任何行動」，才決定退出。
李龍基強調在娛樂圈多年重視合約精神，質疑素不相識的歐錦棠消費自己，爭取節目流量，「歐先生，李龍基這個名字已經被人用餘用剩了，沒有甚麼利用價值啦！」
收藏
取消收藏
分享
