【點新聞報道】英國街童越來越猖獗，有移民英國的港男在網上大呻，被人故意劃花部車，鬧爆他們冇家教，又指報警都無用，「呢度啲司法制度等同冇制度」。
該名移英港男在fb專頁「英國香港人生活交流區」發文，指在伯明翰被人劃花私家車車身，「朝頭早走去踢場波都可以畀人劃花部車，垃圾嘅人種住Ｘ埋啲垃圾嘅人，冚Ｘ剷啲(ｏ靚)仔，全部冇家教！」。
樓主斷然街童是故意破壞，「一定係故意啦，我同個朋友左右一架車中間留個車位，方便啲人行！」、「正常有腦嘅人都唔會咁做啦，呢啲冇腦嘅行為囉」。樓主更鬧爆當地父母唔管教子女，「問題係啲家長都冇公民教育、都係咁嘅質素，咁梗係教唔到下一代啦」、「啲(ｏ靚)仔手多多，垃圾父母又唔Ｘ理，全部都廢嘅！」。
樓主直言今次真係冇仇報，報警都無用，「球場裡面嘅Carpark冇CCTV。就算有都冇用㗎啦，又係不了了之，你試吓走去同警察講偷嘢都唔會落charge，呢度啲司法制度等同冇制度」。樓主慨嘆「最大問題係但今次發生完之後冇人捉到佢，但下次再發生！不停循環咁下去，又會有受害者！」。
有網民留言亦指英國治安差，「英警唔會幫外族，即使入咗籍，喺佢哋眼中都係外族，有事起嚟，只會伸多你一腳」、「我附近個區唔錯，都試過朋友部車被人由頭刮到尾，啲Ｘ街憎人富貴厭人窮」。樓主回覆指要買定架生自保，「所以呢買定啲架生喺車有咩事就扑Ｘ佢，啲鬼佬欺善怕惡㗎」。
（本文為作者觀點，不代表本媒體立場）
收藏
取消收藏
分享
