【點新聞報道】古天樂主演電影《尋秦記》横跨賀歲檔，繼續四出宣傳。日前他接受唐詩詠和練美娟（娟姐）主持的網台節目訪問。唐詩詠以天樂稱呼古老闆，更自爆當年首次同古天樂合作拍戲，緊張到差點想喊。
唐詩詠以「天樂」稱呼古老闆，練美娟即有反應說：「天樂係得你咁嗌，我未聽過有人咁叫佢。」唐詩詠解釋：「我諗住親切啲，你覺得好唔好。」古天樂溫柔回應：「好呀，好呀。正呀。」唐詩詠又言當年首次與古天樂合作拍戲，緊張到打電話給陳國邦救助。唐詩詠說：「我好緊張，點算，直頭想喊。」天樂帶點疑惑問：「你只係打畀陳國邦？真係Silly（傻）！」
唐詩詠問第一條問題，問天樂屬於什麼類型的人，慢熱還是容易混熟的人？天樂說：「你鍾意啦！」之後玩「二選一即刻答」遊戲，天樂指自己生活極為自律，包括「一日一餐」以及戒甜食。天樂說：「甜真對身體唔好，容易有炎症。我覺得人天生有五味，甜酸苦辣，唔可以夾硬Cut咗，但要管理。最近有朋友送澳洲餅乾，中間有層好甜嘅Jam，甜到嘔，我每日食一塊當獎勵自己。」
但天樂戒甜其實有原因，他續說：「有日有人同我講，你連自己都管理唔好，點管理自己嘅人生，即係點管理自己間公司？管理係一件事，戒係一件事。好似賭博、吸毒，嗰啲叫戒；甜嘢，我叫管理。爸爸細個教得好：『好心啦，少說話，多做事。』做唔到就唔好講。」
當練美娟追問唐詩詠的感情狀況，天樂護花叫她口下留情。天樂捉着詩詠手問：「你依家有冇Dating對象呀？」唐詩詠說：「你有冇介紹？」當提到成熟男人的危機，天樂看得很開：「變肥、甩頭髮，兩樣都必然會發生。如果科技可以幫到甩頭髮，咪一試囉，但我絕唔會戴假髮。以前拍古裝好驚黐頭套，好似用嘢笠住自己個頭咁，好辛苦。」
問到電影《尋秦記》中項少龍身邊有三位紅顏知己，代表不同性格，包括溫柔、風趣及懂得保護另一半，古天樂未有一個肯定答案，認為人會隨住不同經歷、年紀增長及相處都會一直改變。但他覺得有幽默感特別吸引，好似吳君如。至於同樣愛笑的宣萱在他心目中只是一個「物體」：「我唔覺得佢係女性，佢唔覺得我係男性，喺我兩個人眼中，我哋只係一個物體。」
至於天樂是否會鍾情「愛笑的女仔」，天樂坦言：「幾好㗎，我覺得當一個人會笑，起碼係正能量，不過宣萱並唔幽默，但正能量，咩事都會開心。如果做訪問，佢喺隔籬會好嘈。」而他與宣萱的相處很簡單，是很要好的朋友：「佢開心，我開心。啲人成日問點點點，我都幾肯定，係唔會。我身邊，男嘅係劉青雲，女嘅係宣萱。」
訪問尾聲，天樂踢爆在錄影前扔掉了主持的提問紙，天樂望住唐詩詠說：「唔好有框架，咪問得幾好。你要相信所有嘢，都係由你自己產生。」而網民看得出古天樂好錫唐詩詠。
（點新聞特約記者陳惠芳報道）
收藏
取消收藏
分享
