【點新聞報道】有港女日前在網上發帖，指自己和妹妹在東京一間Omakase食飯時，發現餐廳有存在嚴重衞生問題，不僅擺放的餐碟後方有蟑螂，妹妹用餐後還出現了肚痛和肚痾症狀。港女氣憤不已，決定公開事件。
樓主以「食Omakase食到喊，我真係好嬲」為題發帖，指原本打算和妹妹到東京「食好嘢」，故提早預約當地一間餐廳吃Omakase。沒想到，兩人來到餐廳後，發現擺放餐碟後方有蟑螂，甚至出現在她面前，壽司質素也未如理想「我返香港食碟頭飯（都）好食過佢N倍」，而櫃枱上還擺放了1個寫有「TIPS are appreciated（感激給予小費）」的透明膠箱，意指歡迎客人額外給予服務人員獎勵。
樓主續指，她妹妹用餐後還出現了肚痛和腹瀉，因此質疑壽司師傅「如果你真係唔想做壽司，你唔好喺到返工」、「唔該快啲執笠」。
帖文引起網民熱議，有不少留言分享在同一餐廳「中伏」經驗，「我都食過呢間！唔係污糟，但就真係好X難食」、「3年前食過一次，唔係同一個師傅做到尾，中間有轉人整，佢哋無溝通都唔知serve到邊件，最尾有意無意漏件鮑魚無上，要出聲話先補返」、「2年前俾啲KOL廣告吸引入去，啲壽司每件都好難食」。
不過，有網民發現樓主對餐廳居然給予了4星的高分（總分5分），遂調侃「咁嬲都仲有4星，你再嬲會係點」、「有曱甴都俾4星？」但有留言估計「俾得高分啲容易啲將個食評俾多啲人睇到」。事主目前已將評分改為1星。
（本文為作者觀點，不代表本媒體立場）
收藏
取消收藏
分享
