【點新聞報道】最近金價一路狂飆、屢破新高，不少人都心郁郁想出售珍藏的黃金套現。「大姐明」林建明日前在社交平台分享《今日睇真D》金牌，笑言想將其熔掉，但又有些不捨。帖文引發網民熱議，不少人都建議她保留金牌作留念。
「大姐明」日前在個人fb專頁晒出《今日睇真D》金牌，笑言「金價飆升，近日又創新高！也想把這個熔掉，但又有些不捨，可否給我一些意見呢？去或留？」從其上載的金牌可見，上面刻上當年節目《今日睇真D》的標誌，橢圓形一塊，望落去非常重秤。
帖文引起網民熱議，不少人建議她應留作紀念，「大姐ming又唔係無錢開飯，留低佢喇」、「留作記念啦？而家冇咗睇真D了。」、「這個係無價寶，金錢買唔到呢個珍貴回憶，肯係唔好賣啦！呢個係你『大姐明』其中一個 Icon嚟，誰可替代！」、「留，見證歷史，美好回憶，無價寶！」、「感情無價呀，大姐Ming」。「大姐明」回覆網民時表示，「其實有紀念價值嘅嘢好多，不過呢一個就真係最有紀念價值對我來說，所以要再諗諗！」、「也可以說是無價寶的！」
另有網民建議熔掉金牌，「拍賣，會有亞視謎要」、「價錢好，身外物，賣咗換現金最好」、「趁高賣啦，回憶都已經過去，影相拍片記低，然後攞真銀」。有網民就關注該金牌是否真金，「有無睇清楚係咪真金嚟㗎？」、「唔好呀 ... 攞到去唔係真金就柒啦 ...」，「大姐明」就回覆話「肯定係真金，溶之前會驗清楚及報埋價！」。
收藏
取消收藏
分享
