【點新聞報道】有港爸搵子女做擋箭牌，話打算移民英國是為了子女將來着想，冀有更佳教育環境，不過他自爆根本連英國教育都不認識囉。有網民就留言批評他用子女的前途來較飛，「唔識英國教育就夠膽用自己小朋友來試？」。
該名港爸在fb專頁「香港人移民英國資訊分享」發文求助，想知道英國教育是否比香港更適合小朋友喎，「本人今年未帶小朋友移民英國，希望有更好的教育，小朋友現在七歲及九歲，英國教育是否比香港更適合小朋友? 因為對於英國教育不認識，本人希望用BNO過來，最主要目的是，希望小朋友有更好的教育環境成長 ◦」
結果帖文遭網民狠批「唔識英國教育就夠膽用自己小朋友來試？呢D叫用你小朋友的將來賭博」。有網民直指英國教育未必你想像中咁好，「呢邊有啲中小學，如果差嘅，真係幾恐佈」、「英國讀書如果讀state school直係要好小心」、「如果只諗公校，香港贏足九條街。唔好信啲人吹水咩香港國際學校=英國公校。一個天一個地核。」、「要有相對好嘅英國教育建議grammar school 私校；一般公校even outstanding其實都雜，最好嗰班都係靠自己」。
有網民則分析指，「好老實講，香港嗰種填鴨唔可以話唔好，因為迫你學好多嘢，兩文三語，出到外國係唔輸蝕，係叻。但就好辛苦，忽略咗其他嘢，只顧成績，又大壓力，外國係free啲，比較全面性，可以好開心，所以各有各好。」
收藏
取消收藏
分享
