【點新聞報道】日前有男網民搭小巴時遇司機「留空位」拒載的特別情況，於是便在網上好奇發問「我想問粉嶺嘅小巴係咪有留位文化？」，帖文引發熱議。
該網民於社交平台發文，指當日要去粉嶺便於一巴士站搭乘56A小巴，雖然其見到車上仍有空座，但司機卻跟樓主講「呀靚仔，下架呀，留咗位！」。司機此舉令樓主不解，其表示「我心諗xxx，留位係咩料？！有冇粉嶺人可以解答下我」。
帖文引起熱議，許多網民留言解釋此舉屬常見做法，表示「會㗎，小巴司機會留一兩個位俾下個站嘅人上車，特別係聯和墟，費事啲婆婆等幾架都上唔到車」、「下下總站上滿，中途站咪永世上唔到車」、「綠Van紅Van都有，有啲紅Van仲可以打電話去留位熱線，book定中途站有幾多個乘客上車，因為如果總站上晒，中途站乘客咪永遠都上唔到車？」、「正常，如果每次頭站都上晒，下站嘅人永遠上唔到」、「港九新界都有，唔止粉嶺。有d線直頭會請埋人企喺d中途站負責報人數」、「有d路線係有留位制度，例如總站12人開車，又或者打電話留位，有站牌嘅話會寫明」、「繁忙嘅專線小巴路線由總站開出，好多時都會特登留空位俾中途站客上車」。
收藏
取消收藏
分享
