【點新聞報道】英國的經濟在走下坡，英國人民的生活每況愈下，港人作為異鄉人的感受不會好過，不少人都計劃回流。一名移民英國的老港人在網上發文大呻，對英國太失望，力數英國人做事效率慢、稅高、醫療差、治安差、樓價高，而且英鎊又跌，表明已經計劃返香港。
該移民英國二十多年的港人在社交平台threads發文透露欲回流返港，「我係英國20幾年啦，而家已經計劃返香港，最小係半年香港半年英國」。他並力數英國政府的政策失誤，「主要係對英國太失望，英國人做事效率慢、稅高、醫療差、治安差、樓價高、英鎊又跌。」
樓主深感在英國的生活每況愈下，「我住倫敦二十年前同今日基建都冇點更新過（除咗多咗Elizabeth line) 我住嗰區原本新移民都多，又不停起新樓，全區得嗰一間醫院，根本就日日爆棚，d 醫護人員請勁多但醫生唔夠，睇親都要等勁耐，睇完又冇人跟進，有人跟又出錯晒。」
樓主不滿要繳納重稅養難民，「今年又話加稅，話政府窮要加稅，但查下英國財政支出有6~7成用咗喺社會福利嗰到，退休人士退休金我明，但咁養住d難民係咩玩法？」。
樓主直指英國治安崩壞，「脫歐後治安唔見好咗，反而比20年前更差，記得我當年晚晚出倫敦夜店玩，都唔會咁多賊，而家身邊每一個朋友同事都有被偷or搶手機。」樓主亦不禁好奇香港新移民會否計劃回流，「BNO5+1已經第四年，唔知各位HKers，有冇唸過入英藉後返香港呢？」。
有移英網民深同感受，留言表示「你所講既大部分我都認同，我當初係嫁過嚟、雖然我在英只有14年、但在這短短14年間真係睇住英國狀況，每況愈下、治安真係越來越差、我同丈夫都有回流嘅打算，等小朋友可以自己照顧自己的時候，我哋就可以返去長D時間、最主要係想照顧父母，多啲陪伴、時間唔等人，因為我已經錯過咗十四年光陰、唔想自己後悔！ 」
另有不少移英網民贊同樓主講法「有咁嘅回流諗法好正常，住咗2年，我都覺得麻麻，同埋好L悶」、「英國咁樣玩落去遲早破產，到時又要捱重稅，可能連工都保唔住、有錢佬同人才走晒變成發展中國家！又要交重稅，都係一個問題！」、「我都完全深深感受到呢幾年真係每況愈下，不過因為我喺香港冇屋企，再加上年紀尷尬，高不成低不就，搵到工都未必夠交租，所以都只會留響蘇格蘭」。
收藏
取消收藏
分享
