【點新聞報道】森美昨日（2月1日）為一健身中心擔任開幕禮司儀，洪天明擔任主禮嘉賓，其他嘉賓包括鄧智堅、潘紹聰、曾錦燊及香港首個體操亞運金牌得主石偉雄等。
洪天明表示，自己從小到大都熱愛運動，一直有健身以確保健康，同時他亦以身作則，督促兩名兒子勤做運動，天明說：「13歲大仔（洪大仁）鍾意運動，最愛踢足球；細仔個性偏靜，但反而喜歡唱歌，更渴望出鏡。老竇都支持唔干預，未來條路自己揀，最緊要有一定學業基礎，長大後想做咩都可以。」
最近洪天明舉家移居深圳，一家四口適應情況十分理想，談到與太太周家蔚的感情，天明坦言：「之前我喺內地工作多，成日唔喺香港，點解搬去內地？就係想我哋多啲喺埋一齊。」
同樣熱愛運動的森美承認，健身室「誘惑」多多：「我好唔專心，叫住自己唔好掛住望，但我睇男仔唔睇女仔。每一塊肌肉都尊重，全部用時間心機去練，我嘅膊頭肌肉好細，好羨慕啲大隻佬，女仔就唔好意思喇！」小儀剛榮升人妻，問及森美會不會帶仔女向她逗利是，他表示：「係喎，冇諗過。咁多年小儀都問我攞利是，我都冇俾過，我鄉下規矩，唔派俾年紀大過我嘅人，但阮太（小儀媽咪）一直有俾利是我，今年起碼帶一對仔女去逗小儀利是！」
（點新聞特約記者陳惠芳報道）
收藏
取消收藏
分享
