【點新聞報道】寰亞樂隊Nowhere Boys前晚（1月30日）在中環嘉年華大帳幕舞台舉行JamNgok 2026 Live at the Big Top《Letters of Nowhere - The Concert》，作為成軍十周年音樂企劃壓軸表演，現場座無虛席，反應熱烈。
演唱到《天外飛仙》時全場勁high，觀眾一齊揈毛巾又一齊跟歌詞跳起。不過主音Van跳起落地時左腳拗柴，失平衡跌倒地上狀甚痛苦，他堅持站起來繼續唱，隊友漁佬立即上前一邊拉小提琴一邊讓出膊頭給Van攙扶，結他手Ken和Bass手Hansun亦上前傍住他繼續表演，Van強忍痛楚叫觀眾「你哋幫我跳」，觀眾跟住一齊唱一齊跳起。
之後Van原地休息鬆鬆腳，咬緊牙關說：「Show must go on!」並堅持站起來繼續演唱。完騷後Van憶述受傷一刻：「今日唔知幾時，舊患（右腳）突然好痛，用另一隻腳頂住，可能承重太多，兩隻腳唔同位置係咁抽筋、不停震，我好驚，真係企唔到，一企就僕低，唔知點算。好彩你哋（隊友）扶住我。」
Van在台上特別多謝張繼聰，他說：「大家有冇睇《金童》？套戲講打不死嘅故事，同我哋做band仔好似，而最啟發我，係張繼聰用咗好多唔同方法去宣傳套戲，親力親為，甚至自己去舉牌叫人入場睇戲。我覺得為咗一套戲、一隊band、音樂，都要有呢個膽量。喺呢個騷開賣飛嘅時候，我被佢啟發，為咗要畀人知我哋有呢個騷，我乜都做齊。今日好叻仔呀，好多人嚟睇！」
（點新聞特約記者陳惠芳報道）
收藏
取消收藏
分享
