【點新聞報道】服裝店的試身室應確保顧客隱私與安全，惟一名21歲女網民在社交平台投訴，日前在旺角朗豪坊一間連鎖運動服裝店女試身室試褲期間，接連遭男顧客及男職員拉開試身室布簾，事主向店方投訴不果，令她大感委屈，其後報警求助。她並叮囑各位女士「女仔試衫真係要小心，保護好自己。」
女事主在社交平台threads以「想問下你地點train d員工？？？」為題發文，指事發於周三(28日)，她在女試身室試衫期間，先被兩名操普通話的男顧客突然拉開門簾闖入，她走出試身室理論，卻感覺遭男職員及顧客圍住望，「完全唔想比我試衫想趕我走咁」。
她之後返回試身室換回衣物，並已將布簾扣扣好，惟「一除條褲」，又遭男職員再次將布簾打開望住，「一句唔好意思都冇就咁走咗」。女事主批評，該名男職員在明知有人在試衫的情況下直接掀簾，「想問下你有咩居心，明知我喺入面試緊衫，直接打開(目及)嘢勁猖狂。」事主坦言感到受驚及難堪，「一個女仔試試下衫冇啦啦有個大男人開簾入來望著我都咪話唔驚。其實我已經扣住嗮兩個扣，但係出面一扯就開，勁X恐怖」。
女事主即場向分店經理投訴，但對方僅表示「唔好意思會train(培訓)吓啲員工」，就連一句道歉都沒有。其後更態度惡劣對待事主，「勁串咁話返我哋轉頭，又喝我哋走，好似我做錯咁」，她最終決定離開讓店並報警。
女事主昨日發現涉事男職員仍如常上班，並在網上質問涉事商店如何處理。她指報警後，「警察話因為佢淨係望咗一下所以唔構成刑事罪行。亦都check咗cctv，佢地話淨係影到佢個頭，睇唔到任何嘢。」女事主直指，事情發展至今，並冇收到任何一句道歉，而分店經理亦都冇留低其嘅聯絡方式作出跟進。她在留言區補充指，「點解我淨係影個經理，係因為涉事男職員係事發後就一直匿係倉庫，冇出過來。而個經理亦有份包庇店員，敷衍了事。等候警察期間經理更一度落閘將我地困左係第二邊，有途人經過影咗我地相。同警方交涉期間，有客人問職員發生緊咩事，有職員表示係我地喺到搞事，叫啲客人唔洗理會，安心購物。」女事主指，自己因事件受驚無法入睡。
事件曝光後引起網民熱議，有網民認為被打開門簾兩次情況十分「荒謬」、「好驚喎」，質疑「明知個客係入面試衫，開簾有咩居心」、「唔只係training不足，擺明係非禮」、「職員咁做，個經理仲要串返轉頭，惡過黑社會」，大批網民紛紛要求涉事店舖回應。
收藏
取消收藏
分享
