【點新聞報道】HOY TV音樂企劃《歲月如歌》請來陳志雲擔任聲音導航，日前他受訪說這次會用到「韋家晴」這個名字，以此回顧廿幾歲時的青春年代。
陳志雲說：「喺裏面我做返老本行DJ，我現在66歲，每個人都需要溫暖嘅回憶，節目就是大家集體回憶，每個年代好似唔同，但裏面嘅核心都一樣，係情，人情、愛情、友情，譬如同年長嘅人一齊懷緬佢哋嘅回憶時，你就學識點去珍惜現在擁有嘅，因為你現在擁有嘅嘢，就係你將來嘅回憶。呢啲回憶令你覺得困難時，會支持你，用一個溫度去擁抱你。」
為節目錄音時，陳志雲說感覺像回到84-87年做電台節目：「因為嗰陣冇通訊軟件，聽眾係用手寫信嚟，雖然大家未見過，但有一種聯繫，大家嘅接口好似好近。我自己都經歷過艱難嘅日子，最艱難當然少不了我七年的官司，真係好似跌到谷底咁，因為我做主持，人哋認識我，我當時好驚出街，有啲恐懼症，驚人哋點睇我。但最後最重要係認識返我係咩人，人哋點睇你唔係最重要，你嘅人生係你自己嘅，唔係人哋定義。如果冇經過咁困難嘅時候，我唔知道大家原來咁錫我，咁信任我。」
陳志雲也分享了多年主持心得，問及他訪問這麼多嘉賓哪個令他最苦惱？他說：「陳慧琳，佢真係幾難。以前問佢你同男朋友感情係點？佢話好好呀。冇㗎啦！鍾珍就係佢喊嘅點，一講就喊。近期就魏浚笙比較類似，佢都係要你出力帶佢。」
談到自己的偶像，陳志雲指是前英國首相戴卓爾夫人，因她答問題好且能反客為主。
（點新聞特約記者陳惠芳報道）
收藏
取消收藏
分享
