【點新聞報道】人離鄉賤！一名移民澳洲的港女在網上發文大呻，遭白人室友歧視，每次見面都被當透明，不會打招呼之餘，更甚是將手洗水揈落她的食物上。眼見食物畀人糟蹋，樓主即刻焫着咗，「即時開波Ｘ佢老母，嬲到啲英文前所未有地流利」。
該名住在珀斯的港女在社交平台threads發文憶述不快遭遇，指覺得自己被白人室友歧視了。她指對方一直無視自己，「每次見面Say Hi佢都無視我，本身以為佢只係內向啲，但今日見到其他英國意大利人Hi佢係會覆的，然後先知佢唔係啞」。
樓主最氣憤是對方竟做出冒犯的行為，「最過份係佢無啦啦對住我煮好嘅麵fing洗手水，大佬啊成間屋3個廁所2個廚房你係要對住我啲野食嚟洗手？！而且佢喺我煮緊嘅時候已經喺我附近一直徘徊，我嚴重懷疑佢係突登的」。
樓主本身都想多一事不如少一事，但心諗都就搬、唔使畀面，直接開佢波，「Ｘ佢老母，嬲到啲英文前所未有地流利，希望佢唔好再搞我，而家每次見到佢都會怒啤佢」。樓主仲話自問已經對得起自己，「佢搬嚟之後日日個廁所有屎我都未投訴佢」。
樓主認為直接開罵，好過屈住屈住，「太謙讓真係會比人食住上，以前華人文化會諗凡事留一線，但而家的確要改變下玩法，我會好好注意的」，她又笑言「係時候要回憶下啲港女西面技能」。
不少網民都指白人欺善怕惡，「對啡黑就縮，你叫佢去挑啡黑啦」、「有啲白人(o靚)妹attitude係最差，尤其是毛都未出齊嘅10幾廿歲嗰批，人生經歷未夠，家族教育不良，態度惡劣、會做一啲歧視行為又唔會遮掩」、「你唔開佢波，佢只會得寸進尺，唔忍得㗎」。
收藏
取消收藏
分享
