【點新聞報道】王敏奕今日（29日）盛裝出席品牌的最新時裝活動。身穿一襲低胸搶眼裙裝的她，甫到場便非常吸睛。
王敏奕更強調，她揀選服飾時最重視的並非「性感」與否，而是舒適及有自我風格。她說：「着衫最緊要係舒服，同埋要清楚自己鍾意啲咩，着得出自己一個感覺為主，所以我冇乜諗性感或者唔性感，呢套衫我着得好舒服、好鍾意。」Venus亦留意男裝，她表示依家流行Unisex，會「借」老公外套配襯。
近日有報道指王敏奕為好友糖妹「打針」雪卵，她直言緊張到手震：「我聽佢講好多年㗎啦，我覺得佢有呢個諗法想去做呢件事，我一直都好支持佢。雖然我個人冇辦法陪佢飛去台灣進行呢件事，我都好慶幸佢有一part係返香港要support嘅，佢都係俾一個機會我去參與。」對於「打針」一事，王敏奕坦言自己也心生畏懼，甚至形容針頭的長度令人心驚：「我打都手震㗎，啲針原來咁長㗎，都驚啊，唔係嗰啲短嘅針。」被問及是否有考慮凍卵時，她坦白回應：「暫時未有需要。」
提到老爺曾志偉卸任TVB高層後，她未聞對方新動向：「我都冇獨家消息，臨近新年希望可以大家放個假先啦，有啲咩都過咗新年再出發。」王敏奕透露工作未受老爺卸任而減少，對即將展開的新項目充滿期待：「其實都好好彩嘅，即係有啲好好嘅機會啦，嚟緊都會有新嘅project，都覺得係好有興趣嘅，好期待可以快啲同大家見面。」
（點新聞特約記者陳惠芳報道）
收藏
取消收藏
分享
