【點新聞報道】英國盜賊如毛，除了罪案率的新聞可供參詳外，有移英港人親身經歷一場好專業嘅扒手騙局後，發警世文提醒事事小心，互相照應！樓主憶述指，自己早前與友人喺倫敦火車站附近，外套突然沾上「雀屎」，有熱心的陌生人立即趨近，他當下提高警覺，沒有回應對方，繼續向前走遠，其後再回頭發現有疑似同黨的人埋伏。逃過一劫的樓主直指騙徒有組織性，「呢啲騙徒唔係用暴力，佢哋係『演戲』偷嘢，心理戰先係最難防。」
該名移英港人在fb群組「英國香港人生活交流區」發文指，自己早前同朋友喺倫敦 Paddington (柏靈頓) 火車站附近一帶，親身遇到一宗好專業嘅扒手騙局，形容過程十分「戲劇化」。樓主憶述事發經過，「當時我哋行行下，突然有個陌生人急步行埋嚟，用好緊張又好『熱心』嘅語氣對住我朋友講：『Oh! You have bird poo on your jacket!』 ，跟好熱心咁，叫我哋除低外套，想幫我哋抹。」
樓主當下心中警鈴大響，沒有理睬對方，立即與友人走遠後，更驚覺對方有同黨埋伏，「我第一時間覺得唔對路，直覺話我知呢種熱心太唔尋常，於是我即刻叫朋友唔好停，繼續向前行！佢見我哋冇上當，好快就閃開咗，之後我回頭發現一個疑似同黨的人在附近埋伏。」
樓主去到安全地方後，才驚覺原來連自己件衫後面都中咗一模一樣嘅「污跡」。樓主事後分析對方的犯案手法，指「呢個係歐洲常見嘅『Bird Poop Pickpocket Scam』。佢哋會噴乳酪或醬汁落你度，再扮好心提你。而重點唔係嗰撻污糟嘢，而係佢要偷你嘅『注意力』！」
樓主認為，對方同時向他們兩人落手，目的是想兩個人一齊分心，令同黨有機會偷走財物，「如果當時我哋真係停低，極大機會雙重分心：兩個人忙住互望互抹，警覺性變零。」
樓主提醒一旦遇上這類情況，記住他的自保建議，包括：直覺第一：覺得唔對路，就算件衫幾污糟，都要堅持繼續行；唔好即場停低：尤其係喺火車站外、精品店門口呢啲扒手熱點；唔好除背囊：袋不離身，最好反過嚟前揹，以及搵室內地方先處理。
不少網民都指英國治安差，多數人不會愛管閒事，「我認識嘅英國人會好心講你知，但佢哋係唔會幫你處理嘅，直到你提出要求」、「本地人啲衫都會除地擺落地，點會咁『潔癖』話畀途人知見衫有雀屎」。
收藏
取消收藏
分享
