【點新聞報道】英國港人移民圈最叻圍爐取暖，愛搞是非、玩小圈子又互相批鬥。有移英港男對他們敬而遠之，直指「喺英國，只要遠離香港人，生活就會無憂無慮」。帖文引起網民熱議，不少人都覺得香港新移民神憎鬼厭，指相比之下，老移民和內地人還好相處。
該名移英港男在社交平台threads發警世帖文，指「喺英國，只要遠離香港人，生活就會無憂無慮」。他認為，香港人以前屋邨嗰種人情味而家都無啦，指港人移民圈最鍾意搞小動作，「當你發覺班怨魂鍾意喺背後暗地搞你唱你嗰時」、「日日圍威喂專恰香港人，其實同唐人街嗰啲無分別 」。
有移英網民認同樓主見解，指自己不想認識香港新移民，「真，住咗6年，識嘅香港人十隻手指數得晒，大部分都係90年代嘅移民都係好人，其他啱啱嚟嘅點頭之交全部都係碌柒。」並指相比之下，老移民和內地人還好相處，香港人只識圍爐，「大陸人都話會分享吓邊度有好嘢／好地方去，有起事都會幫吓手。香港人淨係識批鬥、曬命、比較、講事非，憎人富貴厭人貧，又怕分享資訊比人驚死自己會蝕底咁。所以係英國識香港人都係把Ｘ，好多連英文都唔識／唔想講，你見成堆港燦鍾意堆晒係Manchester圍爐就知咩料 。」有網民附和指，「同意香港人只會攞着數，老移民好啲有啲會照顧你。我喺外國嗰時都係主要同白人同埋台灣人大陸人做朋友，身心舒暢，見到人性光輝一面。」
帖文引起網民熱議，不少人都覺得香港新移民神憎鬼厭，「某啲香港人鍾意比較，見到人衰就踩多腳，見到人好又唔抵得，就算自己唔比較都難保人哋唔會，在外地盡量離開香港人」、「聽到你struggle沾沾自喜，聽到你成功又唔抵得，聽到你要慳住使覺得你寒酸，聽到你使得起錢覺得你曬命」、「見好多依種人嚟到英國完全唔想學英文而且住係香港人村，d是非多到不得了」、「香港特別多西人。唔覺得嗰啲只係因為係同類，講中咗咪要咁激動囉！」。
有移英網民對香港新移民避之則吉，「第一日到英國已經遠離港人」、「過嚟搵屋專門避開多香港人嘅地區。出名多香港人嘅地區完全唔考慮。起碼小朋友返學唔會遇到太多香港人。就算遇到香港人家長都係點個頭就算，反而同 Local 家長展開對話。返工遇到香港人無辦法，但都係同一個做法，點個頭就算。生活開心好多」。
收藏
取消收藏
分享
