【點新聞報道】在交通工具上要注意聲浪。有網民在港鐵車廂拍片直擊一女子用手機大聲播歌，有乘客出言勸止，但不得要領，對方更大聲夾惡，將音量再度調高。影片引起網民熱議，紛紛斥責該女子行為自私兼無品。
有女網民近日在社交平台threads以「地鐵播歌」為題發文，指19日下午乘將軍澳線開往寶琳方向列車時，遇到一名頭戴藍色鴨舌帽的女子，用手機大聲播放音樂，有乘客有禮地請求她不要大聲播歌，惟對方未有收斂，更「聲大夾惡，仲播得大聲咗」。樓主直言，「真係令我嘆為觀止，救賜教，遇到咁的情況點處理好？」。
從樓主上載的影片可見，涉事女子坐在車廂座位上，使用手機大聲播放音樂，疑似正與一名外籍女子爭執。鴨舌帽女子顯得一臉不耐煩，稱「Face You（估計是指粗口Fxxk You）」、「so crazy」，外籍女子則重申要求她「Stop it」，並批評她「you are so messy」。
站在鴨舌帽女子前方的樓主亦出言勸止，「停咗個音樂佢啦，你影響對其他人呀小姐」，惟對方堅稱「唔停，我唔會停」，更反諷「你而家就梗係影響到其他人啦，你咁大聲講嘢」，她更挑機話「你咪影我囉」、「乜個外國人咁搞笑嘅」，及後更變本加厲，將手機音量再度調高。此時，亦傳出其他乘客斥責「你真係好嘈吖嘛」，片段至此結束。
影片引起網民熱議，紛紛批評片中女子的行為，「好冇禮貌，好冇公德心」、「呢條女都幾野蠻喎，你鐵車廂內咁樣播放聲量係犯法㗎啵，不過而家好多香港人都係咁X街」、「還要理直氣壯過你」、「窮到連耳機都買唔起？」、「愈來愈多無教養嘅人出來獻世」。
有網民提議用另類方法反擊，「對付呢種人就係同佢鬥大聲，睇下邊個手機勁啲」、「你嘗試用手機播放大悲咒」、「我以前嘅做法係同佢一齊睇，哄埋去問佢呢套咩片？呢首咩歌？然後企定定一齊睇，大部份都會自動收X」、「之前見過有人話播d靈堂打齋歌係佢隔離播」。
不過，有網民提醒樓主要量力而為 ，「女仔嘅話就量力而為，始終而家多痴線佬」、「宜家好多白卡背包藏刀仔」、「我會多一事不如少一事，自己帶耳機，而家要求唔到咁多㗎啦，癲人癲事實在太多 自己做到咪自己做囉」。
收藏
取消收藏
分享
