【點新聞報道】英皇娛樂推出全新神秘企劃「盲盒音樂會」，首場演出日前終於揭盅，頭炮歌手是剛加盟的周國賢（Endy）。
音樂會名副其實是「盲盒」，事前完全沒有任何資料透露，但依然吸引過千fans報名，可惜場地有限，最後要靠抽籤只有600位幸運兒可以入場。而音樂會地點是一間中學禮堂。音樂一響，台上布幕慢慢拉開，見到拿着結他的Endy出場，一開口就是經典的《目黑》，全場即時瘋狂尖叫，氣氛熱爆。唱完三首歌後，Endy跟大家打招呼：「大家好，歡迎大家嚟到盲盒音樂會。好高興今晚可以返番去中學年代，感受番青春時、成長時嘅一啲喜怒哀樂。」
講到讀書年代，Endy自爆讀書時期的「我的志願」，「小學時已經知道自己唔係讀書嘅材料，我記得小學四年班上中文堂，要寫我的志願，我寫我想成為『捉鬼敢死隊』！點知篇文派返嚟，老師喺下面寫：『如果你想成為捉鬼敢死隊，你要先具備以下條件，數學及科學都要滿分。』」
Endy當晚又化身「人生導師」，分享一段好很意思的感受，「人大個咗好容易同人比較，有時會覺得，人生好似都喺度拆緊一個盲盒。有啲人一打開就已經中咗頭獎，有啲人拆極都拆唔到自己想要嘅嘢。我行得比較慢，有啲舞台，人哋可能一、兩年就已經上到去，我用咗18年。但慢慢先明白，其實人生唔係抽獎，唔使下下都羨慕人。」
（點新聞特約記者陳惠芳報道）
收藏
取消收藏
分享
