【點新聞報道】沉寂一時的佛跳牆騙案再現。灣仔知名玩具店「鴻興玩具」昨日（22日）在社交平台發文指，有騙徒假冒新蒲崗一中學的主任，企圖以訂購玩具為名，誘使店方代購名貴食品「佛跳牆」，幸店舖職員及時識破。事後校方亦發聲明，呼籲供應商慎防騙徒。
「鴻興玩具」在fb專頁講述險被騙經過，並上載一張印有「香港可立中學，馮永豪主任」字樣的卡片。帖文表示「今日差一些中#電騙，比員工笑死我了。他（騙徒）說學校要買50件玩具送去學校，廣東話都講唔正，我哋執好貨，突然叫我幫他買佛跳牆。我同事即刻說中啦中啦」。負責人立即打電話到學校查詢，揭發根本沒有此人。
事件隨即引發網民熱議，紛紛指騙徒上傳的學校卡片錯漏百出，「睇個email都知假啦，學校一定會有學校email俾老師，重要係主任，點會用個人gmail？唔驚主任有咩事離職轉校後起你飛腳咩」、「未見過學校用Gmail做email域名咁山寨」、「啲KK園唔識粵語拼音」。亦有網民進一步分析指，「淨係睇校名都知道係假，間學校全名係嗇色園主辦可立中學」、「香港只有『可立中學』沒有『香港可立中學』」。
另有網民留言指此類騙已非新鮮事，「我都收過，有鄉音嘅廣東話，話想搞工作坊，叫我過去學校同佢傾。我話WhatsApp傾就得啦，有咩需要要去到學校先傾？同埋你廣東話咁差點做到主任級？」、「我哋做車房都試過有人打嚟，自稱係保良局嘅，叫我哋做上門檢查」、「我屋企人都試過，叫過去學校整工程，約好下午去，早上十點叫幫手先俾錢訂機器送俾安老院舍。很多這類型騙案！」。
可立中學在獲悉事件後，隨即於官網發出聲明，指近日發現有不法份子冒充該校職員/老師，向供應商訂購貨品，認為此等行為不僅損害學校聲譽，亦可能令供應商蒙受經濟損失，校方已就此事件向執法部門報案。
該校強調，學校職員不會其以學校名片作為身份證明，而在進行任何大額採購前，校方亦必定會先行報價及動動審批程序；提醒供應商如收到可疑的訂購要求，無論透過電郵或電話，務必先與校方聯絡，以確認真偽，其對任何來歷不明的訂購或付款要求保持高度警惕，共同防範不法行為。
收藏
取消收藏
分享
